Villares participa na I edición da Xornada Mariñeira de Ortigueira
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Estas imágenes pertenecen a Página Oficial de la Xunta de Galicia
Ortigueira (A Coruña), 28 de decembro de 2024
O conselleiro do Mar, Alfonso Villares, participou este sábado na I edición da Xornada Mariñeira, coa que a localidade de Ortigueira rende homenaxe no día de hoxe aos mariñeiros que crearon un deporte que actualmente está acadando unha gran participación na vila como é o remo. Trátase dunha cita impulsada pola Confraría de Pescadores de Espasante na que participaron 8 clubs, 48 equipos de batel masculino e feminino e 240 remeiros e remeiras.
A cita, que se desenvolveu no peirao da localidade, comezou coa homenaxe a todos os deportistas participantes e seguiu cunha emotiva ofrenda á xente do mar, quen anos atrás comezara coas disputas nas súas traíñas para chegar primeiro á lonxa e vender mellor os seus produtos o que hoxe se converteu nun deporte recoñecido e que está adquirindo gran participación en Ortigueira. Tal é así que, segundo destacou o responsable autonómico, este evento é unha homenaxe á xente do mar que neste pobo, coma en outros tantos de Galicia, deixou a súa pegada non só coa súa forma de traballar senón tamén co seu carácter e a súa implicación no eido deportivo e social. Villares quixo resaltar que esta celebración non sería posible sen todas as entidades que colaboran na organización desta primeira edición.
