Galicia aumenta o seu peso no programa marco de I+D+i da Unión Europea
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- As entidades galegas captan 124,3 M€ no programa Horizonte Europa no período 2021-2023, a través de 99 entidades pola participación en 261 actividades de I+D+i
- Galicia é a sexta Comunidade con máis participación e retorno
Estas imágenes pertenecen a Página Oficial de la Xunta de Galicia
Santiago de Compostela, 23 de decembro de 2024
Galicia sitúase na sexta posición entre as comunidades autónomas a nivel nacional en canto a participación e retorno no programa marco de I+D+i da Unión Europea, Horizonte Europa (HE), no período 2021-2023, segundo datos feitos públicos polo Centro para el Desarrollo Tecnológico y la Innovación (CDTI) dependente do Ministerio de Ciencia, Innovación e Universidades.
A Comunidade mellora tanto en termos absolutos como relativos, respecto do conxunto do Estado, pasando dun 3,12 % no programa anterior 2014-2020 a un 3,64 % nos tres primeiros anos de HE, así como da media da UE, representando agora un 0,39 % fronte a un 0,29 % no período previo.
As entidades galegas captaron nos tres primeiros anos de HE 124,3 millóns de euros, o que supón un 65 % do total captado no programa marco anterior completo, a través de 99 entidades que participaron en 261 actividades de I+D+i (das que liderou 65).
Das 99 entidades que obtiveron financiamento a través do programa HE, 54 son empresas, das que un 87 % son pemes. O liderado desta captación de fondos foi para as universidades, que captaron un 38,05 % dos recursos, seguidas polos centros tecnolóxicos (30,60 %) e as empresas (18,93 %). A continuación, sitúanse as asociacións, cun 6,47 %; a Administración Pública, cun 2,19 %; os centros públicos de investigación, cun 1,92 %, e as asociacións de investigación, cun 1,84 %.
Aimen, USC e UVigo
Entre as entidades beneficiarias destacan o centro tecnolóxico Aimen, que se atopa entre os 20 primeiros participantes a nivel estatal, seguido pola Universidade de Santiago de Compostela e a Universidade de Vigo.
Por áreas temáticas, destaca a participación galega en industria, alimentación, bioeconomía, recursos naturais, agricultura e medio ambiente, accións de formación do programa Marie Sklodowska-Curie destinado aos doutorados e a formación posdoutoral, proxectos de alta tecnoloxía do Consello Europeo de innovación (Explorador EIC), e enerxía e investigación excelente. As áreas nas que Galicia sobresae respecto do conxunto do Estado son industria (8,5 %), alimentación, bioeconomía, recursos naturais, agricultura e medio ambiente (6,5 %), Explorador EIC (6,1 %), accións Marie Sklodowska-Curie (4,7 %) e clima (3,7 %).
