A Asociación de Científicos Españois no Estranxeiro sitúa a Galicia como un caso de éxito na captación e apoio a persoal investigador
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A Xunta participa na Reunión de diplomacia científica, tecnolóxica e de innovación na que se abordan colaboracións en I+D+i e estratexias de internacionalización
Estas imágenes pertenecen a Página Oficial de la Xunta de Galicia
Santiago de Compostela, 22 de decembro de 2024
A Xunta de Galicia participou esta semana na IX edición da Reunión de diplomacia científica, tecnolóxica e de innovación española da Rede de asociacións de investigadores e científicos españois no exterior (RAICEX), así como na asemblea anual desta organización que se celebraron en Madrid.
Neste encontro, que incluíu sesións de traballo internas e un acto público, tratáronse temas como a colaboración público-privada en I+D+i, a nova estratexia de asesoramento científico no sector público e a estratexia de internacionalización nas grandes infraestruturas científicas. Entre estas accións destaca o debate o Modelo autonómico de RAICEX: unha mirada a un caso de éxito en Galicia, no que se puxo sobre a mesa a colaboración estable que desenvolve a Consellería de Educación, Ciencia, Universidades e FP e esta rede de asociacións científicas.
No marco destas colaboracións levan realizándose, desde o 2022, diversas iniciativas, como webinars sobre o programa Oportunius do Goberno galego, orientado á captación e apoio de persoal investigador beneficiario de axudas ERC, así como actividade de comunicación entre as que destaca a difusión dirixida a persoal investigador. Ademais, tamén sobresae a participación de representantes da Axencia Galega de Innovación en eventos organizados por asociacións membro de RAICEX, onde se presentaron as oportunidades que ofrece a I+D+i galega ao persoal investigador, tanto nacional como internacional.
Esta alianza entre entidades está enmarcada dentro da campaña de difusión de alcance internacional promovida pola Xunta de Galicia, que permitiu que máis de 1.500 investigadores residentes no estranxeiro puideran entrar en contacto co ecosistema galego de I+D+i e as súas oportunidades. O obxectivo desta campaña é dar a coñecer as capacidades e oportunidades que o terreo ofrece ao persoal investigador, para fomentar o retorno de persoal investigador galego no exterior e atraer talento científico de primeiro nivel.
Impacto do programa Oportunius
O programa Oportunius leva apoiando desde a súa creación a 33 gañadores de axudas do Consello Europeo de Investigación (ERC), dos que 18 contan cun contrato de persoal investigador distinguido. En conxunto, lideran 41 proxectos, avaliáronse 291 candidaturas ao ERC e organizáronse 25 talleres de formación con 600 participantes. Adicionalmente, os grupos de investigación galegos liderados por titulares ERC captaron case 5M€ para a realización de sete proxectos de valorización, 11 contratos e 30 servizos.
