A Xunta executa antes de finais de ano máis de 160 M€ en concepto de axudas da PAC para beneficiar uns 23.000 perceptores
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Así o afirmou hoxe o director xeral da PAC e do Control da Cadea Alimentaria, Juan José Cerviño, en relación a unha pregunta na Comisión 7ª do Parlamento
- O director xeral afirmou que os 45 millóns de euros do anticipo e os 117 millóns das axudas directas permitirá ao sector agrogandeiro encarar a súa actividade dende os primeiros días do seu ciclo agrícola, dotándoo de liquidez dende o comezo
- En resposta a unha cuestión sobre a produción ecolóxica, afirmou que este réxime está a experimentar unha clara tendencia á alza, cun aumento do 854% na última década no que a superficie produtiva se refire
- Lembrou que o prezo medio anual do leite de 2024 é o máis alto dos últimos 15 anos e que Galicia foi protagonista dunha importante mellora en termos de xenética, alimentación ou sanidade, entre outros, que repercutiu directamente no incremento da calidade de vida dos gandeiros
Estas imágenes pertenecen a Página Oficial de la Xunta de Galicia
Santiago de Compostela, 20 de decembro de 2024
A Xunta de Galicia, a través da Consellería do Medio Rural, executou antes de finais de ano uns 160 millóns de euros en concepto de axudas da Política Agraria Común (PAC), que van permitir beneficiar a uns 23.000 perceptores en toda a comunidade. Así o afirmou u hoxe o director xeral da PAC e do Control da Cadea Alimentaria, Juan José Cerviño, en resposta a unha pregunta na Comisión 7ª do Parlamento.
Segundo expuxo o director xeral, nestas semanas os gandeiros e agricultores de Galicia están a cobrar o pago do saldo do 90% do importe das axudas da PAC, que ascende a uns 117 millóns de euros; desagregados en máis de 99,3 millóns de euros de axudas directas e outros case 17,73 millóns en achegas destinadas a zonas con limitacións naturais.
A este montante cómpre sumarlle os preto de 45 millóns de euros do adianto da PAC, que foi percibido polos beneficiarios galegos antes de finais do mes de outubro. O pago realizouse nas liñas de vacún de leite e carne, xa que son achegas non asociadas a superficies. Isto permite que os cálculos poidan executarse de maneira completa, sen asumir riscos e salvagardando a seguridade xurídica dos beneficiarios.
Neste sentido, a Consellería do Medio Rural materializou o seu compromiso cos beneficiarios galegos da PAC, que recibiron pagos por un valor de máis de 160 millóns de euros, tendo en conta o anticipo e o saldo do 90%, antes de rematar o ano e dentro do primeiro mes a partir do cal se permiten os pagos para a actual campaña. Este montante permitirá ao sector agrogandeiro encarar a súa actividade dende os primeiros días do seu ciclo agrícola, dotándoo de liquidez dende o comezo.
Produción ecolóxica
En relación coa produción en ecolóxico, Juan José Cerviño asegurou que este eido está a vivir un período de crecemento e estabilidade, caracterizado polo aumento do número de explotacións na nosa comunidade, que se incrementaron nun 3% con respecto a 2023 e nun 125% na última década. As cifras da superficie destinada a produción ecolóxica en Galicia son igualmente positivas, xa que rexistraron un aumento dun 854% entre 2013 e 2023, afianzando a clara tendencia á alza deste tipo de cultivos.
Ademais, o director xeral fixo referencia ás diferentes liñas de axudas postas en marcha polo Goberno autonómico para apoiar o sector da produción ecolóxica e fomentar a súa expansión, que no 2025 contarán cun orzamento de máis de 7 millóns de euros. Puntualizou tamén que este tipo de explotacións poden adherirse adicionalmente a outras liñas enfocadas ao desenvolvemento rural ou ás axudas directas da PAC, ademais de contar con criterio de priorización á hora de acceder a outro tipo de achegas.
A aposta pola produción ecolóxica compleméntase a través dos diferentes centros de investigación dependentes da Consellería, como a Estación de Viticultura e Enoloxía de Galicia ou o Centro de Investigación Agraria de Mabegondo, que realizan de xeito continuo ensaios e proxectos pilotos que poñen o foco neste tipo de produción e tamén colaboran con actividades formativas. Neste sentido, a Axencia Galega da Calidade Alimentaria leva a cabo un importante labor á hora de promocionar os produtos cultivados neste réxime.
Sector lácteo
En resposta a unha pregunta sobre a situación do sector leiteiro, Juan José Cerviño destacou que o prezo anual de 2024 é o máis alto dos últimos 15 anos. Así mesmo, salientou que Galicia é unha potencia internacional neste eido. O director xeral fixo referencia tamén a mellora experimentada recentemente na nosa comunidade en cuestións de xenética, manexo, alimentación, rendibilidade ou sanidade; que repercute directamente nun incremento da calidade de vida dos gandeiros.
Ademais, lembrou que se concertan reunións de control de xeito periódico, solicitados tanto pola Administración como polo sector, para abordar as cuestións de actualidade necesarias que inflúen e repercuten neste ámbito.
Para finalizar a súa intervención, fixo referencia ao importante labor desenvolvido polo Observatorio do sector lácteo de Galicia, actualmente depende da Dirección Xeral da PAC e do Control da Cadea Alimentaria, e que elabora estudos de especial interese para coñecer de preto a realidade deste sector na nosa comunidade.
Cerviño sinalou que, de cara o futuro, o obxectivo é redefinir a estrutura do Observatorio, dotándoo como un órgano de carácter técnico coa capacidade de desenvolver a súa actividade a través da formación de grupos de traballo que afonden nas problemáticas do sector, a definición de obxectivos e as estratexias para acadalos.
