A Xunta toma medidas para garantir o cumprimento das condicións do contrato no transporte interurbano de Pontevedra
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O control feito polo Goberno galego detectou a utilización de vehículos non autorizados por parte da concesionaria que cubre a Liña 4, que conecta a cidade coa parroquia de Cerponzóns
- Segundo afirmou a directora xeral de Mobilidade nunha reposta parlamentaria, incoáronse os expedientes sancionadores e as penalidades contractuais que corresponden
Estas imágenes pertenecen a Página Oficial de la Xunta de Galicia
Santiago de Compostela, 19 de decembro de 2024
A directora xeral de Mobilidade, Judit Fontela, compareceu hoxe no Parlamento para informar das medidas adoptadas para garantir o cumprimento do contrato no transporte interurbano de Pontevedra tras detectar o uso de vehículos non autorizados por parte da concesionaria que cubre a Liña 4, que conecta a cidade coa parroquia de Cerponzóns. Na súa intervención, Judit Fontela incidiu no compromiso da Xunta para ofrecer o mellor servizo á cidadanía e esixir o cumprimento rigoroso de todas as condicións que garanten esa calidade.
Así, afirmou que se incoaron os expedientes sancionadores e de penalidades contractuais que correspondan polo uso de vehículos non autorizados. Segundo sinalou, ante as incidencias que se detectan no transporte público, "o Goberno galego actúa para corrixir os desaxustes se é necesario ou para asegurar a correcta prestación do servizo". "A Xunta cumpre e fai cumprir", engadiu.
Judit Fontela destacou o esforzo do Goberno galego a través do Plan de transporte público de Galicia para ofrecer "un servizo eficaz e de calidade ás persoas usuarias, vivan onde vivan". Nesta liña, referiuse á ampla rede de servizos que conecta a comunidade, ás bonificacións autonómicas, cuxa vixencia está garantida en 2025, á constante modernización da flota e ao eficaz sistema de control e seguimento dos servizos prestados.
Segundo apuntou, no caso de Cerponzóns este esforzo tradúcese en 52 servizos de autobús ao día que lle permiten á veciñanza desprazarse á cidade ao longo de toda a xornada entre as 6,15 e as 21,15 horas. A cifra de persoas usuarias ao mes sitúase arredor do milleiro.
