A Xunta apoia a promoción da pescada de pincho, o bonito do norte e o peixe espada da Organización de Produtores de Burela (OPP-7) en Madrid
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- No acto fíxose un percorrido das accións e campañas de promoción da OPP Burela, cofinanciadas pola Consellería do Mar, nas que se pon o foco na orixe, calidade e propiedades nutritivas do produto así como a sustentabilidade das artes de pesca
Estas imágenes pertenecen a Página Oficial de la Xunta de Galicia
Madrid, 17 de decembro de 2024
O director xeral de Pesca, Acuicultura e Innovación Tecnolóxica, Antonio Basanta, asistiu á presentación da Organización de Produtores Pesqueiros de Burela (OPP-7) na Casa de Galicia en Madrid onde destacou a importancia de promocionar os produtos pesqueiros galegos máis alá da comunidade.
Nesta liña, puxo en valor as iniciativas impulsadas por esta OPP no marco do plan de produción e comercialización anual confinanciadas pola Xunta, e que contribúen a avanzar na trazabilidade dos produtos da pesca e o acceso dos consumidores a información clara e completa. O director xeral destacou a importancia destas accións para promocionar o consumo nas que, ademais, resáltase os beneficios que presenta a inclusión destes alimentos na dieta da cidadanía para a saúde e benestar.
No acto, no que tamén estiveron presentes o director da Casa de Galicia, Luis E. Ramos, e o xerente da OPP Burela, Sergio López, quen realizou a presentación onde debuxou un mapa coa importancia histórica e actual do porto de Burela dentro do sector pesqueiro, resaltando o peso da pesca dentro da economía local. Presentou as diferentes frotas que forman a organización de produtores de Burela e repasou as principais accións e campañas de promoción que levaron a cabo nos últimos anos
Esta inciativas, cofinanciadas pola Consellería do Mar, Pezas que destacan a orixe do produto, a súa calidade gastronómica, as súas calidades saudables e a sustentabilidade das súas artes de pesca. Creacións dirixidas aos diferentes públicos, desde a divulgación entre os nenos, a concienciación sobre hábitos alimentarios nos pais ou o fomento do consumo de peixe entre o segmento senior, chegando especialmente aos principais mercados de España.
Tamén foi presentado un avance do documental "Valor da Pesca en Burela", que pon en valor o oficio pesqueiro e recolle testemuños de mariñeiros de diferentes orixes e con experiencia en diferentes caladoiros. Un sector que xerou riqueza económica durante décadas, cun impacto principal no desenvolvemento socioeconómico de Burela durante moitas xeracións. Ademais este acto en Madrid serviu como presentación oficial do novo calendario da OPP Burela, que en 2025 volve apostar polos seus "Pescados Capitales", presentando cada mes una das principais especies que representan ás súas diferentes frotas.
A presentación pechouse cunha degustación gastronómica "Peixe de Burela" con algunhas das principais especies pesqueiras das frotas de Burela: pescada de pincho, bonito do norte e peixe espada. A elaboración das receitas correu a cargo do galego Miguel Vidal, chef do restaurante Morgana en Madrid.
