A Xunta licita por máis de 5 millóns de euros o subministro de ecógrafos para servizos do Hospital Novo Montecelo de Pontevedra
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Prevese a adquisición dun total de 66 ecógrafos para as diferentes especialidades médicas, así como equipos para a realización de ecoendoscopias dixestivas e ecobroncoscopias
- As empresas interesadas en participar neste procedemento teñen até o 25 de xaneiro para remitir as súas ofertas
Santiago de Compostela, 17 de decembro de 2024
O Portal de contratos de Galicia publica no día de hoxe a licitación, por parte do Servizo Galego de Saúde, do contrato de subministro de 66 ecógrafos con destino aos diferentes servizos do Hospital Público Novo Montecelo de Pontevedra. O Executivo galego destinará un investimento de 5.023.315 euros á compra deste equipamento.
Distribuído en 13 lotes, o expediente inclúe a dotación de ecógrafos para a meirande parte dos servizos médicos do hospital de referencia da cidade de Pontevedra.
Os equipos terán como destino os servizos de xinecoloxía e obstetricia, uroloxía, cardioloxía, radiodiagnóstico, aparato dixestivo, pediatría, traumatoloxía, anestesioloxía, UCI, reumatoloxía, urxencias, rehabilitación, pneumoloxía, medicina interna, nefroloxía, coidados paliativos, otorrinolaringoloxía e neuroloxía.
Ademais, tamén se adquire equipamento para a realización de ecoendoscopias dixestivas e ecobroncoscopias.
As empresas interesadas en participar neste procedemento teñen até o vindeiro 25 de xaneiro para remitir as súas ofertas.
A ecografía é un procedemento de diagnóstico por imaxe que permite ver órganos e estruturas brandas dentro do corpo. Mediante este procedemento pódese visualizar calquera parte do corpo identificando con claridade a forma e tamaño de cada estrutura do seu interior.
Por outra banda, este equipos ofrecen a posibilidade de estudar os distintos tecidos do corpo, como é o caso do fluxo sanguíneo de arterias e veas para detectar arteriosclerose e coágulos; analizar a glándula tiroides e outras estruturas brandas do pescozo; de tendóns, ligamentos, músculos e estruturas das articulacións; das glándulas mamarias ou para o estudo pelviano.
Ademais, actualmente as ecografías pódense combinar con outros procedementos como punción con agullas para biopsia, endoscopios ou outros equipamentos dando lugar a imaxes de fusión.
