Ángeles Vázquez salienta a riqueza paisaxística do litoral galego como sinal de identidade da comunidade
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A responsable autonómica comprométese a estudar a posibilidade de que a Xunta colabore no XIII Congreso Docomomo Ibérico que reunirá en 2025 na cidade da Coruña a profesionais do sector para falar de arquitectura e infraestruturas da paisaxe costeira
Estas imágenes pertenecen a Página Oficial de la Xunta de Galicia
Santiago de Compostela, 12 de decembro de 2024
A conselleira de Medio Ambiente e Cambio Climático, Ángeles Vázquez, salientou a riqueza paisaxística do litoral galego como sinal de identidade da Comunidade durante a reunión que mantivo co director da Escola Técnica Superior de Arquitectura da Universidade da Coruña, Miguel Abelleira.
Nesa liña, durante o encontro celebrado hoxe en Santiago de Compostela, analizaron diversas liñas de colaboración, entre as que se atopa a celebración na Coruña, o vindeiro ano 2025, do XIII Congreso Docomomo Ibérico baixo o título A modernidade marítima. Arquitecturas e infraestruturas da paisaxe litoral 1925-1975, que se enmarca nas numerosas actuacións que leva a cabo a organización internacional Docomomo co obxecto de inventariar, divulgar e protexer o patrimonio arquitectónico do Movemento Moderno.
Logo de poñer en valor que ese encontro se celebre na Comunidade, a conselleira reiterou o compromiso da Xunta coa preservación e conservación da paisaxe con iniciativas como a aposta polo fermosismo, con dúas liñas de axudas que se convocarán en xaneiro cun orzamento global de 2 M€ para mellorar a imaxe exterior de vivendas, inmobles e equipamentos municipais, ou a concesión da Bandeira Verde de Galicia a aqueles concellos que impulsan diferentes tipos de accións e boas prácticas para ordenar o territorio e protexer a paisaxe.
A maiores, no que atinxe ao litoral, Ángeles Vázquez lembrou que Galicia se converteu na primeira comunidade autónoma en regular por lei a franxa costeira en toda a súa extensión. De feito, a Lei de ordenación e xestión integrada do litoral de Galicia ten como obxectivos garantir o bo estado dos ecosistemas costeiros desde unha tripla perspectiva -ambiental, social e económica- así como un aproveitamento sostible dos seus recursos.
