Manuel Pardo subliña que Galicia é un destino privilexiado e atractivo para o turismo
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O delegado territorial significou que o turismo activo contribúe á desestacionalización e achega, ao abeiro da natureza, visitantes de proximidade á nosa comunidade a través dos deportes
- Manuel Pardo explicou que o turismo deportivo ou turismo activo está estreitamente relacionado co turismo rural, xa que pode intervir como xerador de rendas complementarias e estabilizador demográfico no mundo rural
- O representante do Goberno galego sinalou que o turismo activo ademais de ser unha fonte de ingresos económicos, ten un impacto directo na cohesión social e na integración cultural
Estas imágenes pertenecen a Página Oficial de la Xunta de Galicia
Ourense, 09 de decembro de 2024
"Galicia é un destino privilexiado, atractivo e seguro para o turismo"; así sentenciou o delegado territorial da Xunta, Manuel Pardo, na inauguración da sétima edición de Sportur Galicia, VII Salón do Deporte e Turismo Activo e o V Congreso Internacional de Turismo e Deporte, que se desenvolverán paralelamente en Expourense os días 12 e 13 de decembro, e na que a participación como asistente ou visitante será completamente gratuíta.
O delegado territorial significou que o turismo activo contribúe á desestacionalización e achega, ao abeiro da natureza, visitantes de proximidade á nosa comunidade a través dos deportes; e na actualidade segundo Manuel Pardo "a fórmula que combina turismo e deporte estase a constituír como un dos atractivos máis importantes na nova oferta turística, xa que é un mercado en expansión e ofrece grandes beneficios económicos a nivel local, autonómico e nacional".
Para Manuel Pardo o turismo deportivo ou turismo activo está estreitamente relacionado co turismo rural, xa que pode intervir como xerador de rendas complementarias e estabilizador demográfico no mundo rural e pode acadar un papel destacado no mantemento e a conservación do medio natural en moitos lugares, xa que contribúen e facilitan os intercambios culturais en moitas pequenas poboacións.
O representante do Goberno galego, puxo de manifesto a importancia do vínculo que ten o deporte e o turismo e a oportunidade estratéxica que supón esta alianza nunha provincia que conta cun patrimonio natural que debemos artellar como modelo europeo de turismo sostible.
O delegado territorial explicou que o turismo activo, ademais de ser unha fonte de ingresos económicos, ten un impacto directo na cohesión social e na integración cultural. Os turistas que nos visitan non só gozan de nosas paisaxes e as nosas actividades deportivas, senón que tamén teñen a oportunidade de coñecer as nosas tradicións, a nosa gastronomía e a nosa hospitalidade.
Sportur Galicia, Salón do Deporte e Turismo Activo
Sportur Galicia, VII Salón do Deporte e Turismo Activo convoca a un total de 44 participantes entre os que destacan as federacións e clubs deportivos de Galicia que comparten espazo con destinos e empresas de turismo activo e vencellados coa natureza de Galicia e Portugal.
Trátase dun evento destinado a todos os públicos (deportistas, afeccionados ou principiantes de todas as idades, ademais das familias) para que poidan coñecer as opcións vencelladas co turismo activo e o deporte que ofrecen os expositores. Tamén se converterá nun bo escaparate para as federacións deportivas de toda a comunidade, xa que máis da metade dos expositores son clubs e asociacións de distintos deportes que aproveitarán a súa presenza en Sportur para promocionarse organizando distintas exhibicións, adestramentos e clases abertas para os visitantes.
V Congreso Internacional de Turismo e Deporte
V Congreso Internacional de Turismo e Deporte contará coa participación de 20 expertos que analizarán o potencial e a influencia do deporte na oferta turística dun destino. O deporte está entre as tres principais motivacións dos turistas estranxeiros que visitan España o que é, sen dúbida, unha oportunidade para a diferenciación dos destinos e para o seu desenvolvemento económico.
