A sede da Xunta en Lugo acolle unha xornada sobre seguridade industrial no sector agroalimentario
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O delegado territorial, Javier Arias, explicou que se enmarca nun ciclo que promoven a Consellería de Economía e Industria e o Colexio Oficial de Enxeñeiros Industriais de Galicia.
Estas imágenes pertenecen a Página Oficial de la Xunta de Galicia
Lugo, 5 de decembro de 2024
A Delegación Territorial da Xunta en Lugo acolle hoxe unha xornada sobre seguridade industrial no sector agroalimentario, organizada pola Consellería de Economía e Industria e o Colexio Oficial de Enxeñeiros Industriais de Galicia.
O delegado territorial, Javier Arias, explicou que se enmarca nun ciclo que se vén desenvolvendo en distintas cidades galegas para sectores diversos, como a automoción, o téxtil ou a minaría, e que se pechará o próximo día 19 en Santiago de Compostela co encontro dedicado á enerxía.
Arias destacou que a Xunta dispuxo este ano un programa extraordinario de medidas en materia de seguridade industrial, que inclúe accións de fomento e difusión como estas xornadas para reforzar a implicación do tecido produtivo. Ao respecto, afirmou que "investir en seguridade industrial significa protexer ás persoas, coidar do medio ambiente e mellorar a eficiencia das empresas. É, polo tanto, unha ferramenta máis de competitividade".
A Consellería está a desenvolver o Plan de inspección de seguridade industrial, que establece máis de 1.400 controis co obxectivo de comprobar a adecuación dos establecementos, instalacións, actividades e produtos respecto dos regulamentos e normativas que lles son aplicables. Dese total de inspección, preto de 300 corresponden á provincia de Lugo.
Ademais, traballa nun plan extraordinario de inspección, enfocado a hoteis, centros comerciais, grandes auditorios, espazos multiusos, garderías, salas de festa e discotecas, a través dun convenio de colaboración coa Asociación Galega de Organismos de Control Autorizados.
O delegado tamén fixo referencia ao avance que supuxo a posta en marcha do Consello Galego de Seguridade Industrial, constituído o pasado mes de xullo e que introduce "un foro de encontro coas empresas, colexios profesionais e asociacións para detectar e corrixir con axilidade as necesidades neste ámbito".
