Gómez Caamaño destaca que máis de 20.000 alumnos de secundaria están formados en reanimación cardiovascular grazas ao programa RCP na aula do 061
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Pon en valor outras iniciativas da Xunta nesta materia, como o Proxecto Ariadna, o programa Acode e Axuda ou o rexistro de desfibriladores integrado en Sergas Móbil
- Recoñece o labor do 061 de Galicia, cuxo esforzo e profesionalismo son claves na xestión de emerxencias e atención ás vítimas
- Resalta o papel fundamental de todos os profesionais sanitarios que conseguen transformar situacións críticas en oportunidades
Estas imágenes pertenecen a Página Oficial de la Xunta de Galicia
A Coruña, 22 de novembro de 2024
O conselleiro de Sanidade, Antonio Gómez Caamaño, destacou hoxe o éxito da iniciativa da Xunta sobre resucitación cardio pulmonar na aula, destinada a estender a formación nesta materia entre o alumnado de educación secundaria, un programa que, impulsado polo 061 Galicia, xa permitiu formar a máis de 20.000 alumnos.
Durante a súa intervención na inauguración do VII Congreso Nacional do Consello Español de Resucitación Cardiopulmonar que se está a celebrar na Coruña, o conselleiro de Sanidade incidiu na importancia da formación para poder actuar nunha situación crítica, onde o tempo xoga un papel fundamental.
Nesta liña referiu distintas liñas de traballo do Executivo galego, como os cursos de RCP telefónica e os de soporte vital avanzado, que reforzan a educación sanitaria da poboación galega.
No campo da innovación, Gómez Caamaño dixo que o seu departamento foi pioneiro en iniciativas como o Proxecto Ariadna, un mapa colaborativo de desfibriladores a nivel nacional liderado polo 061 de Galicia que mellorou o acceso e localización destes dispositivos.
Gómez Caamaño tamén aludiu ao proxecto Acode e Axuda, de voluntarios formados en soporte vital básico no que hai 555 inscritos listos para intervir en caso de emerxencia.
O conselleiro tamén destacou o rexistro de desfibriladores integrado na aplicación informática Sergas Móbil, que permite xeolocalizar estes aparellos, facilitando o acceso a estes dispositivos cruciais en situación de paro cardíaco.
Para rematar a súa intervención, Gómez Caamaño resaltou o papel fundamental de todos os profesionais sanitarios que conseguen transformar situacións críticas en oportunidades. Tamén recoñeceu o labor do 061 de Galicia, cuxo esforzo e profesionalismo son claves na xestión de emerxencias e atención ás vítimas.
