A Xunta inviste 60.000 euros na mellora da iluminación ornamental do mosteiro de Santa Catalina de Montefaro
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A delegada territorial de Ferrol, Martina Aneiros, visitou xunto a representantes do Concello de Ares o cenobio no que se actuou con cargo a dúas achegas autonómicas para a mellora das infraestruturas turísticas nos concellos de ata 10.000 habitantes
- O proxecto permitiu dotar a edificación dunha iluminación axeitada para a correcta observación dos seus paramentos
Estas imágenes pertenecen a Página Oficial de la Xunta de Galicia
Ares (A Coruña), 15 de novembro de 2024
A delegada territorial da Xunta en Ferrol, Martina Aneiros, visitou esta mañá o mosteiro de Santa Catalina de Montefaro no que o Concello de Ares acometeu actuacións de mellora na iluminación ornamental con cargo a dúas achegas autonómicas de 60.000 euros -30.000 na convocatoria de 2023 e outros 30.000 en 2024- para melloras de infraestruturas turísticas nos concellos de ata 10.000 habitantes que convoca Turismo de Galicia.
O proxecto, cuxo obxectivo é o de sanear e realzar as fachadas do cenobio, dotándoo dunha iluminación axeitada para a correcta observación dos seus paramentos, acometeuse en dúas fases. Na primeira incluíuse a instalación de oito luminarias lineais nas bases das columnas do campanario e un proxector no interior do mesmo. Ademais colocáronse outros 17 proxectores na porta de acceso ao mosteiro, na torre do campanario e na fachada principal e lateral dereita do mesmo. Nunha segunda fase, acometida este ano, retiráronse as luminarias tipo vila, brazos e cableados existentes para proceder á instalación doutros 14 proxectores nas fachadas posterior e lateral esquerdo da edificación.
A delegada territorial lembrou que esta convocatoria, dotada este ano dun orzamento de 2 M€, ten por obxectivo fomentar a recuperación, a accesibilidade e a sinalización dos recursos turísticos de cara á consolidación da oferta turística nas zonas rurais a través da posta en valor da súa riqueza histórica, cultural, patrimonial e paisaxística.
Deste xeito son subvencionables aquelas actuacións de embelecemento nos accesos a recursos turísticos dos Concellos como é o caso do mosteiro de Santa Catalina, que poderán incluír a recuperación e tratamento paisaxístico da contorna, iluminación ornamental, recuperación e creación de miradoiros paisaxísticos, sendeiros, rutas e outros elementos de intereses turísticos; adecuación de espazos destinados ao estacionamento de vehículos dos visitantes, e actuacións de embelecemento dos bens declarados de interese cultural.
