A Xunta facilita que unha quincena de mozos da Prefetura de Wakayama visiten Galicia en marzo
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A directora xeral de Xuventude, Lara Meneses, recibe hoxe a unha delegación de Xapón para continuar estreitando o vínculo a través do camiño Kumano Kodo
- O pasado mes de setembro foron 15 persoas de Galicia as que participaron nunha estadía no país asiático onde puideron coñecer outra realidade sociocultural
Estas imágenes pertenecen a Página Oficial de la Xunta de Galicia
Santiago de Compostela, 14 de novembro de 2024
A directora xeral de Xuventude, Lara Meneses, mantivo hoxe unha reunión cos representantes da Prefetura de Wakayama para continuar estreitando os vínculos con Xapón a través da irmandade entre o camiño Kumano Kodo e o Camiño de Santiago, onde se avanzou nun novo intercambio xuvenil que permitirá a 15 mozos e mozas xaponesas visitar Galicia en marzo.
No marco desta xuntanza, a representante da Consellería de Cultura, Lingua e Xuventude puxo en valor o intercambio cultural entre ambas rexións que se vén mantendo dende hai máis de 25 anos. Así, salientou que a Xunta de Galicia leva a cabo diversos proxectos neste senso entre os que se inclúe A xuventude no mundo, un programa que anualmente ofrece a oportunidade a mozos galegos de coñecer outras realidades socioculturais e lingüísticas.
De feito, cómpre lembrar que no pasado mes de setembro, 15 persoas partiron de territorio galego cara esa zona do Xapón, onde gozaron dunha estadía enfocada no enriquecemento social e cultural.
Con esta iniciativa, o Goberno galego aposta por facilitarlle á mocidade experiencias educativas que potencian as habilidades e competencias non formais, ofrecendo unha aprendizaxe que achega valor tanto na vida persoal, como na súa traxectoria futura no mundo laboral. Así, os participantes realizan actividades orientadas á mellora das súas competencias en diferentes linguas e convivencia con outras culturas.
