A Consellería do Mar achega aos escolares de Vilasantar os beneficios de consumir produtos pesqueiros coa campaña Galicia sabe AMAR
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Estas imágenes pertenecen a Página Oficial de la Xunta de Galicia
Vilasantar (A Coruña), 13 de novembro do 2024
A Consellería do Mar achega aos escolares do CEIP de Présaras os beneficios de consumir produtos pesqueiros coa campaña Galicia Sabe AMAR. O responsable deste departamento, Alfonso Villares, visitou a foodtruck que este mércores recalou no centro educativo, situado no concello coruñés de Vilasantar, co fin de dar continuidade ao obxectivo do Goberno autonómico de pór en valor a excelente calidade dos produtos que saen da costa galega e, en consecuencia, dos importantes efectos que ten a súa inxesta para a salubridade, así como para a economía que se xera en torno á cadea mar-industria.
Precisamente, os Orzamentos da Consellería que dirixe Villares para 2025, recollen un esforzo inversor tanto para as campañas de promoción de alimentos, como para a mellora da comercialización dos produtos pesqueiros e acuícolas no marco da calidade e o valor engadido, que xunto ao estudo de patróns e tendencias de consumos, reciben un investimento de máis de 20 millóns de euros, un 75% máis que en 2023. Ademais, accións como Galicia Sabe AMAR que, por primeira vez, se expande aos centros escolares, mobilizarán en conxunto máis de 2,3 millóns de euros.
