A Xunta e nove concellos da área de Lugo acordan prorrogar o Plan de Transporte Metropolitano ata 2028 cun investimento autonómico de máis de 247.600€
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O Goberno galego continuará financiando os descontos do 80% nos billetes interurbanos, ademais do 100% dos transbordos e as bonificación adicionais aos usuarios recorrentes e membros de familias numerosas con case 62.000 euros ao ano
- Os nove concellos que desta área de transporte achegarán 200 euros anuais
- A tarxeta TMG é o principal medio de pagamento, empregada no 75% das viaxes
- A Tarxeta Xente Nova permitiu a financiación de máis de 407.900 viaxes gratuítas a menores de 21 anos desta área desde 2016 e a Tarifa +65 doutras 11.200 a maiores de 65 anos desde a súa implantación en xaneiro deste exercicio
Estas imágenes pertenecen a Página Oficial de la Xunta de Galicia
Lugo, 12 de novembro de 2024
A Xunta e nove concellos da área de Lugo acordaron esta tarde prorrogar o Plan de Transporte Metropolitano durante os catro vindeiros anos, o que suporá un investimento autonómico de máis de 247.600 euros no período 2025-2028. A directora xeral de Mobilidade, Judit Fontela, acompañada do delegado territorial da Xunta en Lugo, Javier Arias, presidiu esta tarde a Comisión de seguimento do Plan de Transporte Metropolitano da área lucense, na que se avaliou o funcionamento deste plan.
O obxectivo é darlle continuidade á colaboración do Goberno galego cos municipios que integran a área de transporte metropolitano de Lugo, isto é, Baleira, Castro de Rei, Castroverde, O Corgo, Friol, Guntín, Lugo, Outeiro de Rei e Rábade.
No marco deste convenio, a Xunta achegará anualmente case 62.000 euros para financiar os descontos do 80% que se aplican nos billetes interurbanos, ademais do 100% dos transbordos, que son gratuítos, e as bonificación adicionais aos usuarios recorrentes (15%) e membros de familias numerosas, de ata o 50%. Pola súa banda, os municipios que configuran esta área de transporte, realizarán unha achega duns 17.200 euros ao ano.
No encontro de hoxe tamén se fixo un balance da evolución da demanda nos últimos anos, cunha recuperación desde mediados de 2021 con incrementos de media de máis do 25%. O ano pasado contabilizáronse máis de 129.500 viaxeiros, case un 15% por riba do exercicio anterior. Os datos avaliados hoxe constatan a Tarxeta de Mobilidade de Galicia (TMG) como principal medio de pagamento, consolidándose a tendencia na súa utilización por riba do 75% das viaxes con máis de 96.500 pagos a través deste método en 2023.
Ademais, a veciñanza dos concellos desta área pode beneficiarse dos descontos desta tarxeta TMG, á que se suma a Tarxeta Xente Nova, coa que máis de 6.200 mozos e mozas de 21 anos da área viaxan de balde e a Tarifa +65, que desde a súa posta en marcha en xaneiro deste exercicio, conta con máis de 4.400 persoas usuarias maiores de 65 anos.
Canto ás viaxes, a Tarxeta Xente Nova supuxo na área lucense máis de 407.975 viaxes desde a súa posta en marcha en 2016 ata setembro deste exercicio. No que respecta á Tarifa +65, desde xaneiro ata setembro deste 2024 computáronse nestes nove concellos lucenses a expedición de 1.990 tarxetas e máis de 11.200 viaxes. En ambos casos, sufráganse ata 60 viaxes mensuais gratuítas no transporte interurbano de Galicia e que financia directa e integramente a Xunta.
Por outra parte, a bonificación adicional do 50% que entrou en vigor en setembro de 2022 e supón un desconto directo adicional sobre o prezo a pagar coa TMG supuxo ata setembro deste ano a bonificación de máis de 209.300 viaxes por un importe total de máis de case 94.000 euros.
