A Xunta salienta a importancia de abrir o futuro Foro do litoral á participación do eido académico galego
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A consulta pública previa sobre a composición e funcionamento deste órgano colexiado de asesoramento abriuse o pasado 22 de outubro e todas as persoas interesadas teñen un mes de prazo para facer as súas achegas e consideracións
- A comunidade avanza así no desenvolvemento da Lei de ordenación e xestión do litoral á espera da celebración da ponencia técnica co Goberno central para a negociación do traspaso de medios e servizos para o autogoberno da franxa costeira
Estas imágenes pertenecen a Página Oficial de la Xunta de Galicia
Santiago de Compostela, 7 de novembro de 2024
A Xunta considera clave contar coas aportacións do ámbito universitario galego de cara a establecer a futura composición e funcionamento do Foro do litoral e contar coa súa participación neste órgano colexiado, co fin de que acheguen unha visión multidisciplinar desde distintos eidos que inciden de forma directa na xestión na franxa costeira.
Así llo trasladou hoxe a conselleira de Medio Ambiente e Cambio Climático, Ángeles Vázquez, a profesores e investigadores designados pola Universidade da Coruña (UDC), a Universidade de Santiago de Compostela (USC) e a Universidade de Vigo (UVIGO) para abordar a posta en marcha deste organismo, previsto na Lei de ordenación e xestión integrada do litoral de Galicia (Loxilga).
Cómpre lembrar que o pasado 22 de outubro se someteu a consulta pública previa a creación do Foro do litoral co fin de que todas as persoas e entidades interesadas teñan un mes de prazo para facer as súas aportacións de cara a unha axeitada conformación e operatividade deste organismo.
Acompañados tamén do catedrático da UDC Javier Sanz, que como director do Observatorio do Litoral participou directamente na redacción da Loxilga, a responsable galega salientou que con estes contactos previos á constitución do Foro, a comunidade avanza no desenvolvemento da norma e no exercicio pleno das súas competencias neste eido, referendadas pola sentenza do Tribunal Constitucional do pasado abril.
Neste sentido, a Xunta remitiu hai uns días a súa resposta fundamentada ao borrador remitido polo Executivo central sobre o traspaso dos medios e servizos para a xestión plena do litoral, paso previo á celebración da ponencia técnica para iniciar a negociación.
O Foro do litoral configurarase como máximo órgano colexiado de participación, asesoramento e consulta en materia de ordenación do litoral e estará conformado, tal como establece a propia lei, por representantes das administracións, as universidades, organismos científicos, organizacións dos sectores produtivos, organizacións ambientais e outras que teñan como obxectivo a defensa e protección do patrimonio cultural.
De feito, a esta reunión seguiranlle outros contactos con representantes do sector do mar —da actividade extractiva— así como de organizacións implicadas na protección e xestión do litoral, co fin de contribuír a unha óptima ordenación da costa que teña en conta tanto os aspectos medioambientais como os económicos e os sociais.
Galicia converteuse coa Lei de ordenación e xestión integrada do litoral na primeira comunidade española en regular a través dunha normativa propia e integral a franxa costeira en toda a súa extensión. A Xunta está a dar os pasos necesarios para o desenvolvemento dunha norma que permitirá xestionar os 2.500 quilómetros de costa da comunidade e 1,6 millóns de hectáreas terrestres e marítimas.
