María M. Allegue destaca a aposta da Xunta polo uso das técnicas industrializadas na construción de vivenda pública sostible e de calidade
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A conselleira incide no traballo que está a desenvolver o Goberno galego no reto desta lexislatura para duplicar o parque de vivenda pública ata as 4.000, e o desenvolvemento de solo para 25.000 máis, das cales 20.000 serán protexidas
- Subliña o moito avanzado nestes primeiros seis meses, con preto de 1.600 vivendas en distintas fases de execución, a metade delas xa en fase de construción
- M. Allegue pon como exemplo os catro bloques de residenciais colectivos de vivenda pública nos que se licitaron conxuntamente proxecto e obra mediante técnicas industrializadas, primando tamén o uso da madeira
Estas imágenes pertenecen a Página Oficial de la Xunta de Galicia
Curtis (A Coruña), 7 de novembro de 2024
A Conselleira de Vivenda e Planificación de Infraestruturas, María Martínez Allegue, destacou hoxe a aposta da Xunta polo uso das técnicas industrializadas na construción de vivenda pública.
M. Allegue, xunto co secretario xeral de Vivenda e Urbanismo, desprazouse hoxe a Curtis para coñecer as instalacións da empresa galega Rodiñas Pretensados, que fabrica e monta en obra elementos prefabricados de formigón, e que conta tamén cunha técnica punteira e innovadora de forxado mixto de madeira e formigón.
Tal e como sinalou a conselleira, esta visita, enmárcase no traballo que está a desenvolver Goberno galego na atención á demanda da sociedade é o acceso a vivenda digna, sostible, de calidade e asequible, e no reto desta lexislatura construción de vivenda pública: 4.000 novas vivendas para duplicar o parque de vivenda pública, e o desenvolvemento de solo que permita a construción de máis vivenda, ata 25.000 das cales 20.000 serán protexidas.
M. Allegue apuntou ao moito avanzado nestes primeiros seis meses, 1.600 en distintas fases de execución, a metade delas xa en fase de construción.
Incidiu así na imprescindible colaboración público privada e na importancia destes encontros coa parte produtiva do sector da construción ante o enorme volume de licitación de obra pública que está a realizar a Xunta, e a casuística trasladada desde o sector da escaseza de man de obra e o potencial galego das técnicas industrializadas.
Neste senso, a conselleira destacou as sinerxías que xorden nos casos da industrialización, de optar por un cambio de criterio á hora de proxectar e da necesaria colaboración directa desde as primeiras fases, xa co proxecto, entre o proxectista e a industria.
Por isto, tal e como explicou María M. Allegue, o departamento que dirixe ten en marcha catro bloques de residenciais colectivos de vivenda pública en San Paio de Navia (Vigo) nos que se licitaron conxuntamente proxecto e obra mediante técnicas preindustrializadas, primando tamén o uso da madeira.
A conselleira puxo en valor así esta aposta da Xunta, que contribúe á dar resposta, por unha banda, "ás demandas do sector, pero tamén ao coidado do noso medio ambiente, a descarbonización, ao pulo da nosa economía ou a redución de tempos de construción".
