Ángeles Vázquez e a alcaldesa de Oia reúnense para tratar asuntos relacionados co saneamento
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Santiago de Compostela, 5 de novembro de 2024
A conselleira de Medio Ambiente e Cambio Climático, Ángeles Vázquez, e a alcaldesa de Oia, Cristina Correa, reuníronse recentemente para abordar asuntos relacionados co saneamento.
Durante o encontro, a conselleira e a rexedora coincidiron na necesidade de levar a cabo unha análise da situación do saneamento tanto no núcleo urbano como na zona rural da localidade de cara a identificar posibles necesidades de mellora para ofrecer un mellor servizo á cidadanía.
Nesa liña, Ángeles Vázquez informou á alcaldesa de que os técnicos de Augas de Galicia colaborarán co persoal municipal tanto na elaboración desa diagnose como na avaliación das medidas que fose necesario implementar.
A maiores, tamén avaliaron a repercusión que terá no sistema de depuración municipal a conversión do Mosteiro de Santa María a Real en hotel.
A conselleira reiterou que a Xunta continuará prestando o seu apoio técnico e económico aos concellos para que poidan exercer as súas competencias de saneamento e abastecemento de xeito máis eficiente e prestar servizos de calidade á súa veciñanza.
