A Xunta inviste 2,3M€ no acondicionamento da estrada LU-710 ao seu paso polo concello de Baralla
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A actuación desenvólvese nun treito de 4,5km desta estrada autonómica que conecta a N-VI coa autoestrada A-6 e ten un prazo de execución de 18 meses, polo que se prevé que estea rematada a principios do 2026
- Allegue subliña a aposta da Xunta por infraestruturas "de calidade, cómodas e seguras", citando que o capítulo da Axencia Galega de Infraestruturas conta cun investimento nos orzamentos do 2025 de 265M€, dos que 68M€ están destinados a conservación das estradas autonómicas e mellora de firmes para garantir a seguridade viaria
- Na provincia de Lugo o investimento da consellería ascende a preto de 72M€, con actuacións en infraestruturas como a conversión en autovía do corredor Nadela-Sarria, para a que se consignan 2M€
Estas imágenes pertenecen a Página Oficial de la Xunta de Galicia
Baralla (Lugo), 23 de outubro
A Xunta de Galicia está a investir 2,3M€ nas obras de acondicionamento da estrada autonómica LU-710, no treito que conecta a N-VI coa autoestrada A-6, ao seu paso polo concello de Baralla. A conselleira de Vivenda e Planificación de Infraestruturas, María Martínez Allegue, visitou hoxe estes traballos, que comezaron no mes de agosto, xunto ao delegado territorial da Xunta en Lugo, Javier Arias.
A previsión, como sinalou a conselleira, é que a mellora poida estar rematada a principios do 2026, tendo en conta que o prazo de execución é de 18 meses. Os traballos desenvólvense nun treito de 4,5Km, e permitirán ensanchar e mellorar a plataforma da calzada ata os sete metros e aumentar a visibilidade en zonas concretas da estrada. Tamén se traballará na remodelación da intersección coa N-VI para facela máis segura e a actuación contempla a rehabilitación de firme e a implantación de paradas de bus.
M. Allegue destacou que a actuación é unha mostra do compromiso da Xunta "cunhas infraestruturas de calidade, cómodas e seguras", e lembrou que a rede autonómica de estradas abrangue máis de 5.500km e a seguridade viaria "é unha prioridade para a Xunta". A conselleira destacou que o investimento nos vindeiros orzamentos do 2025 para esta área é dun total de 265M€ en Galicia e, dentro dese investimento, a seguridade viaria, a través da conservación das estradas autonómicas e a mellora de firmes volve tamén a ser un eixo fundamental, con máis de 68M€, un 30% máis que neste 2024.
No caso da provincia de Lugo, o investimento total da Xunta é de 71,8M€, cun investimento por habitante de preto de 222€. Entre as actuacións consignadas nos orzamentos figuran, entre outras a conversión en autovía do corredor Nadela-Sarria (2M€), para rematar a tramitación do proxecto e licitar as obras; a mellora na LU-540, onde se está iniciando a execución da obra da primeira fase de mellora entre Viveiro e Cabreiros. E destínanse 3M€ para o acondicionamento e restitución da LU-651 no Folgoso do Caurel.
"Todas elas actuacións que se enmarcan -recalcou M. Allegue-, no noso compromiso por unhas infraestruturas modernas e sostibles e por seguir avanzando en seguridade para as nosas estradas, para reducir ao máximo os riscos dos usuarios".
