Medio Rural aposta pola sustentabilidade e a innovación dentro do sector agroalimentario
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director da Axencia Galega da Calidade Alimentaria, Martín Alemparte, clausurou a xornada divulgativa Innovación Agroalimentaria celebrada hoxe en Santiago
- Nela resaltou os case 23,4 millóns de euros que destina a Consellería do Medio Rural, a través da Axencia, para o desenvolvemento de 202 proxectos de innovación agroalimentaria, con 511 entidades beneficiarias para o período 2017-2026
- Ademais, presentáronse os resultados do "Plan de acción para a mellora da sustentabilidade nas producións cárnicas galegas", que contou cunha aportación de fondos propios da Xunta de Galicia
- O obxectivo deste proxecto é proporcionar as ferramentas necesarias para que as explotacións de carne galegas en extensivo adquiran a capacidade técnica de controlar a súa pegada ambiental
Estas imágenes pertenecen a Página Oficial de la Xunta de Galicia
Santiago de Compostela, 18 de outubro de 2024
O director da Axencia Galega da Calidade Alimentaria, Martín Alemparte, participou hoxe en Santiago de Compostela na clausura da xornada divulgativa Innovación Agroalimentaria, promovida pola Asociación Galega de Cooperativas Alimentarias (Agaca). Nela, destacou a aposta da Consellería do Medio Rural pola sustentabilidade e a innovación no sector agroalimentario galego.
Na súa intervención, Alemparte resaltou os case 23,4 millóns de euros que destina a Consellería do Medio Rural, a través da Axencia, para o desenvolvemento de 202 proxectos de innovación agroalimentaria, con 511 entidades beneficiarias para o período 2017-2026, o que se traduce nun investimento anual 2,3 millóns de euros.
Ademais, puxo en valor que nos Orzamentos para o ano 2025, a Axencia Galega da Calidade Alimentaria destinará 3,5 millóns de euros para o financiamento destes proxectos de grupos operativos e piloto da Asociación Europea de Innovación, o que amosa o esforzo económico a prol do sector no eido da innovación e investigación agroalimentaria.
Melloras na produción cárnica
Por outra banda, nesta xornada presentáronse os resultados do "Plan de acción para a mellora da sustentabilidade nas producións cárnicas galegas", na que participan Agaca e o Centro Tecnolóxico da Carne, adscrito á Axencia Galega da Calidade Alimentaria, entre outros. Este proxecto, que se iniciou no ano 2022, contou cun orzamento de 145.600 euros financiados con fondos FEADER, con fondos propios da Xunta de Galicia e cunha aportación do Ministerio de Agricultura, Pesca e Alimentación.
O obxectivo desta investigación é proporcionar as ferramentas necesarias para que as explotacións de carne galegas en extensivo adquiran a capacidade técnica de controlar a súa pegada ambiental.
Ademais, nesta xornada divulgativa tamén se presentou o proxecto BLOOD4GOODS, que busca a valorización do residuo xerado pola sangue de vacún e porcino para aumentar a celularidade dos matadoiros.
