O ciclo 'Ópticas contemporáneas' transforma o coñecemento científico en experiencia musical co concerto 'Mudar a pel' na Cidade da Cultura
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O historiador e artista sonoro Andrés Rodrigues, o musicólogo e gaiteiro Llorián García e a profesora e investigadora Mari Luz Esteban son os creadores deste espectáculo multimedia que combina antropoloxía, música, audiovisual e literatura
- A proposta é resultado da primeira residencia de investigación e experimentación artística impulsada pola Cidade da Cultura e o Incipit-CISC
- Haberá un obradoiro dirixido ao público infantil en paralelo ao concerto para favorecer a conciliación das familias asistentes
Estas imágenes pertenecen a Página Oficial de la Xunta de Galicia
Santiago de Compostela, 16 de outubro de 2024
A segunda cita de Ópticas contemporáneas, o ciclo impulsado pola Consellería de Cultura, Lingua e Xuventude, propón ao público unha experiencia sonora e visual que reflexiona sobre cuestións actuais abordadas pola antropoloxía e as ciencias sociais. A saúde mental, a degradación do medio ambiente, as desigualdades extremas ou as violencias son algúns dos temas que traslada desde o coñecemento científico á práctica artística a orixinal proposta multimedia Mudar a pel, o venres 18 de outubro, ás 20,00 horas, no Museo Gaiás.
Mudar a pel é resultado da primeira residencia de investigación e experimentación artística impulsada polo Instituto de Ciencias do Patrimonio e a Xunta de Galicia. O proxecto xestouse a finais do ano pasado dentro do programa de Residencias Artísticas do Gaiás coa profesora e investigadora da Universidade do País Vasco, Mari Luz Esteban, o musicólogo e gaiteiro Llorián García e o historiador e artista sonoro Andrés Rodrigues, coordinados polo investigador do Incipit-CSIC, Íñigo Sánchez-Fuarros.
Textos de filosofía, ensaio, artigos científicos e literarios de autores e autoras contemporáneas como Susan Sontag, Emily Dickinson, Adriana Cavarero, Claes Anderson ou Flora Fong entrelázanse coas paisaxes sonoras e os audiovisuais da peza, nos que destaca tamén a colaboración da bailarina e coreógrafa galega Sabela Domínguez. O conxunto forma un novo tecido sensorial a través do que volver a sentir e repensar o xeito no que o ser humano se relaciona entre si e coa súa contorna.
Aínda que as entradas para Mudar a pel están esgotadas, as familias que asistan aínda poden reservar praza no obradoiro infantil gratuíto que decorrerá en paralelo ao concerto co fin de favorecer a conciliación. As reservas pódense facer a través de Ataquilla ou no despacho de billetes do Museo Gaiás.
