A Xunta investirá máis de 450.000 euros na mellora de camiños rurais en oito concellos da comarca do Condado-Paradanta
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O delegado territorial visitou os resultados das obras levadas a cabo grazas ao Plan Marco 2023-2024 e anunciou as actuacións que serán posibles grazas á convocatoria deste ano
- O Plan Marco 2024-2025 permitirá mellorar a pavimentación do vial municipal que vai de Costa (Riofrío) a Frades, no concello de Mondariz
- A convocatoria deste ano conta cun orzamento de máis de 3,2 millóns para o total da provincia de Pontevedra
Estas imágenes pertenecen a Página Oficial de la Xunta de Galicia
Mondariz, 14 de outubro de 2024
O delegado territorial da Xunta en Pontevedra, Agustín Reguera, visitou esta mañá o resultado das obras de mellora dos accesos en Fraga de Barcia, Pé do Muíño (Riofrío) e no Vial á Chaleira-Arnela (Frades), no concello de Mondariz.
As obras, que foron posibles grazas ao Plan Marco 2023-2024 da consellería de Medio Rural e contaron cun orzamento de máis de 55.000, permitiron mellorar a seguridade viaria e a comodidade dos veciños e veciñas da zona.
O delegado territorial aproveitou a visita para anunciar as obras que se levarán a cabo neste concello grazas ao Plan Marco 2024-2025 e que, cun orzamento semellante ao do ano pasado, permitirán mellorar a pavimentación do vial municipal que vai de Costa (Riofrío) a Frades.
Cabe destacar que o Plan Marco 2024-2025 deixará na comarca do Condado-Paradanta máis de 450.000 euros en investimentos que permitirán, ademais das obras citadas, mellorar camiños municipais en Bueixos e As Grades (Achas), no concello da Cañiza; ampliar o vial de Arbo a Vilar as Laxas, no concello de Arbo; pavimentar o camiño de Abelleira, nas Neves; mellorar un camiño en Paradela, en Crecente; mellorar a pavimentación nos barrio de San Pedro, en Mondariz-Balneario; pavimentar camiños en Fofe, Covelo e Maceira, no concello de Covelo; e pavimentar e mellorar un camiño en Xinzo, no concello de Ponteareas.
O delegado territorial aproveitou a visita para lembrar a importancia de "seguir colaborando con todos os municipios para levar a cabo actuacións de carácter local que melloren o día a día dos galegos e galegas". O Plan Marco 2024-2025 conta cun orzamento para a provincia de Pontevedra de máis de 3,2 millóns de euros.
