Rueda destaca a aposta da Xunta polo emprego na Costa da Morte e a industrialización sostible de Galicia
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Sinala que a aposta pola industrialización e a descarbonización son dous camiños a seguir para aumentar as oportunidades de vivir e prosperar en Galicia
- Resalta que a Xunta de Galicia traballa para facilitar un desenvolvemento áxil e sostible das empresas na comunidade
- Destaca que a creación dunha comercializadora de enerxía galega abaratará a enerxía a empresas e particulares
Estas imágenes pertenecen a Página Oficial de la Xunta de Galicia
Cee (A Coruña), 3 de outubro de 2024
O presidente da Xunta, Alfonso Rueda, salientou hoxe a aposta do Executivo galego pola creación de emprego na Costa da Morte e a industrialización sostible de Galicia.
Na súa intervención no acto de celebración do 120 aniversario de XEAL e dos 30 anos que cumpre Energo-Pro, o último deles á fronte de XEAL, o titular do Goberno galego salientou a "calidade" da entidade e a "confianza" depositada por esta empresa ao investir en Galicia, xerando riqueza e emprego na Costa da Morte, e manifestando que proxectos coma este poden contar con "todo o apoio da Xunta".
Nesta liña, nun momento no que investidores estranxeiros ven Galicia coma un "magnífico sitio para investir", Rueda indicou que débese facer o posible para aproveitalo e compatibilizar "a preservación do medio ambiente e as novas industrias" para que a xente, especialmente a poboación máis nova, teña máis oportunidades de futuro en Galicia.
Así, a aposta pola industrialización que manifestou o presidente da Xunta, tradúcese en medidas como a creación dunha comercializadora de enerxía galega que facilitará o acceso a unha "enerxía democrática" para cada vez máis persoas, a desburocratización para facilitar e axilizar os trámites precisos, a posta a disposición das empresas de 500.000 m2 de solo industrial sen custo durante os oito primeiros anos e os servizos da Oficina Económica de Galicia, que respondeu desde abril máis de 7.000 consultas.
