A Consellería do Mar aborda co sector a situación da campaña de libre marisqueo na ría de Ares-Betanzos
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Acordáronse medidas de xestión enfocadas a optimizar os prezos de cara á campaña de Nadal
- Tamén se estableceu topes á extracción no banco de Sada ás tres especies nas que se atopou stock comercial suficiente: ameixa babosa, rubia e cornicha
Estas imágenes pertenecen a Página Oficial de la Xunta de Galicia
A Coruña, 3 de outubro de 2024
A directora xeral de Desenvolvemento Pesqueiro, Marta Villaverde, mantivo un encontro cos representantes das confrarías da ría de Ares- Betanzos para analizar os resultados das mostraxes realizadas polos técnicos do Centro de Investigación Mariñas (CIMA), dependente da Consellería do Mar, nos bancos de libre marisqueo de Ares e Sada, sometidos a un seguimento de evolución do stock dende o 2018. A finalidade deste encontro, ao igual que o celebrado a semana pasada co sector da ría de Arousa, era valorar xunto cos profesionais a situación que presentan na actualidade.
Así, analizados os datos recadados, decidiuse non traballar en toda a campaña no banco marisqueiro de Ares de cara a axudar á súa recuperación e aplicar esta mesma medida no banco de Sada o inicio de decembro, momento en que se iniciarán os traballos de extracción por parte da frota e que se prolongará ata a primeira semana de xaneiro, data na que se analizarán os resultados obtidos e se avaliarán novas medidas. Esta decisión relativa ao banco sadense busca optimizar o valor económico dos recursos con talla comercial existentes de cara á campaña de Nadal.
Na xuntanza, enmarcada no modelo de cogobernanza coa que a Xunta aborda a xestión pesqueira en Galicia, ademais de representantes de confrarías da ría tamén participaron a dirección territorial da Coruña da Consellería do Mar e membros de Gardacostas. Na reunión establecéronse topes á extracción no banco marisqueiro de Sada para as tres especies nas que se detectou stock comercial suficiente. Os topes por tripulante e día acordados foron para a ameixa babosa 6 quilos, para a rubia 4 quilos, e para a cornicha 30 quilos. Tamén foi acordado o establecemento dun punto de control así como que os aspectos acordados sexan implementados a vindeira semana para dar a debida marxe de tempo ás embarcacións que xa puideran estar traballando nestas zonas.
