Alfonso Villares aposta polo emprendemento e a innovación para dar maior valor engadido aos produtos da pesca artesanal
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O titular de Mar puxo como modelo o proxecto Abrumar I+D+i by SantiPerez que procura experimentar con novas presentacións da materia prima así como elaborar produtos veganos con algas mariñas atendendo ás ultimas tendencias de consumo
- Tamén manifestou a importancia de que estas iniciativas teñan a vista posta tamén na sostibilidade, reducindo o impacto ambiental da actividade pesqueira e reducindo ao máximo os residuos buscando rendibilidade económica aos descartes
Estas imágenes pertenecen a Página Oficial de la Xunta de Galicia
Muxía (A Coruña), 27 de setembro de 2024
A finais do ano pasado o proxecto Abrumar I+D+i By SantiPerez foi unha das iniciativas beneficiarias das axudas da Consellería do Mar a través do GALP Costa da Morte por un importe de preto de 267.000 euros que viñan a cubrir o 70% da inversión para a súa posta en marcha. A idea partiu dun percebeiro de Muxía que decidiu dar un paso á fronte e emprender cunha aposta decidida pola innovación e a sostebilidade na pesca costeira artesanal.
O conselleiro do Mar, Alfonso Villares, acompañado pola directora xeral de Desenvolvemento Pesqueiro, Marta Villaverde, visitou hoxe este establecemento para coñecer de primeira man como están sendo os inicios deste proxecto produtivo que contará cun establecemento de procesado e venda de produtos pesqueiros. O espazo atópase aínda en obras e prevese que non entre en funcionamento ata o vindeiro ano. Este ano realizará probas e ao inicio só se ten planificado o uso de percebe e de algas.
O responsable autonómico puxo en valor este modelo de negocio innovador e a súa aposta pola revalorización do excelente recurso que ofrece o mar de Galicia comercializando novos produtos con sabores e presentacións diferentes que lles permite distinguirse e apreciarse no mercado. Nesta liña destacou que se avogue por unha liña de elaborados veganos, unha tendencia de consumo á alza, a base de algas mariñas, amosando o dinamismo e proactividade do sector á hora de dar resposta ás cambiantes necesidades dos consumidores.
Tamén manifestou a importancia de que estas iniciativas teñan a vista posta na sostibilidade da actividade pesqueira, mediante o procesado natural e a economía circular aproveitando ata os descartes, outorgándolles un novo valor coa súa utilización para caldos, fumets ou patés entre outros. Un modelo que contribúe á economía azul e á competitividade do sector mediante a diversificación das súas actividades, e que ten na pesca artesanal galega un enorme potencial.
Alfonso Villares destacou que este tipo proxectos serven tamén para poñer en valor o produto local e de proximidade, así como a gastronomía local, propiciando a dinamización das economías locais do concellos costeiros. Por ese motivo reiterou o apoio da Consellería do Mar ao desenvolvemento deste tipo de iniciativas que son esenciais na transformación dun sector líder e referencia internacional así como estratéxico para a economía galega.
