A Xunta apoia a celebración das Xornadas MariscaCiencia organizadas pola Lonxa de Campelo
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Estas imágenes pertenecen a Página Oficial de la Xunta de Galicia
Poio (Pontevedra), 24 de setembro de 2024
A directora xeral de Desenvolvemento Pesqueiro, Marta Villaverde, asistiu ás Xornadas de MariscaCiencia organizadas pola Lonxa de Campelo e financiadas pola Consellería do Mar a través do Grupo de Acción Local do Sector Pesqueiro (GALP) da Ría de Pontevedra. O evento, que se prolongará ata o mércores, ten como obxectivo a difusión de resultados de proxectos de investigacións sobre a proliferacións de microalgas tóxicas, sobre a resposta dos bivalvos ás condicións ambientais externas ou sobre a conectividade e modelo poboacional dos principais moluscos bivalvos de Galicia, entre outros, e as súas aplicacións ao marisqueo no fondo da ría pontevedresa.
A responsable autonómica puxo en valor a aposta da Consellería do Mar por reforzar o labor investigador no ámbito mariño como piar imprescindible á hora de artellar as mellores solucións aos principais desafíos aos que se enfronta o sector marisqueiro galego. Nesta liña, resaltou a importancia de que exista un traballo conxunto entre os centros científicos e os profesionais do mar e, nese contexto, a importancia de que se celebren este tipo de xornadas que permiten divulgar o coñecemento adquirido. Así, puxo en valor ferramentas pioneiras postas en marcha polo Goberno galego, como Redemar, no que sector e os centros de investigación mariña colaboran no desenvolvemento de proxectos con impacto directo na actividade marisqueira e pesqueira.
