María José Gómez felicita o equipo de mozos gandeiros gañadores do concurso internacional de manexo
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A titular de Medio Rural e o director xeral de Gandaría, Agricultura e Industrias Agroalimentarias recibiron ao grupo de seis rapaces e rapazas da nosa comunidade que resultou vencedor neste certame, celebrado en Bélxica
- A conselleira trasladoulles os parabéns da Xunta, puxo en valor o importante papel da mocidade no agro galego e, neste marco, salientou o Plan de remuda xeracional que está ultimando o seu departamento
Estas imágenes pertenecen a Página Oficial de la Xunta de Galicia
Boqueixón (A Coruña), 16 de setembro de 2024
A conselleira do Medio Rural, María José Gómez, acompañada polos directores xerais de Gandaría, Agricultura e Industrias Agroalimentarias, José Balseiros; e da PAC e do Control da Cadea Alimentaria, Juan José Cerviño; recibiu esta tarde no Pazo de Quián, en Sergude (Boqueixón) os mozos e mozas gandeiros galegos campións de manexo de gando no certame Young Breeders School (YBS).
A conselleira trasladou os parabéns da Xunta aos seis integrantes deste equipo, que se impuxo no devandito concurso internacional, celebrado do 28 de agosto ao 1 de setembro en Battic (Bélxica). Trátase de María e Andrea Otero, da granxa Fontixón (Castro de Rei, Lugo); Lorena Iglesia, de SAT Rey de Miñotelo (A Pastoriza, Lugo); Alba López, da Gandería Quintián (O Páramo, Lugo); Simón Blanco, da Gandería Queiruguera (Val do Dubra, A Coruña) e Xabier Montes, de Casa do Rei (Rodeiro, Pontevedra).
Nesta edición do YBS participaron un total de 180 mozos gandeiros procedentes de todo o mundo, agrupados en 29 equipos. O conxunto español, organizado polo Clube de Xóvenes Gandeiros e a Federación Frisoa Galega, coa colaboración de Clun, acadou un fito sen precedentes, ao obter o primeiro posto na clasificación por países, superando a Suíza, que quedou en segundo lugar, e a Polonia, que ocupou o terceiro.
Plan de remuda
Nesta recepción, a titular de Medio Rural puxo en valor o importante papel da mocidade no agro galego e, neste marco, o Plan de remuda xeracional que está ultimando a Consellería cunha ampla perspectiva transversal, e que está baseado na formación, a sensibilización e a incorporación. Neste sentido, explicou que se traballará sobre a formación, favorecendo aínda máis a de carácter práctico, e puxo de exemplo a actividade formativa que se leva a cabo nos Centros de Formación e Experimentación Agraria dependentes da Consellería.
Neste contexto, Gómez destacou ademais a posta en marcha, antes de final de ano, do Banco de Explotacións, como ferramenta concibida para propiciar o contacto entre titulares de explotacións que cesan ou van cesar a súa actividade e as persoas interesadas en asumir a súa xestión, mediante compra ou arrendamento. Esta figura irá acompañada dunha novidosa liña de axudas, dotada con 2,1 millóns de euros ata o 2029, para favorecer a cooperación na sucesión de explotacións, beneficiando as persoas físicas ou xurídicas xefes de explotación que se xubilen ou teñan outras causas para ceder a súa granxa.
