A Xunta recibe 10 ofertas para executar as obras de mellora da seguridade da estrada PO-531 en Campañó, no concello de Pontevedra, cun investimento total de máis de 862.000 €
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A Consellería de Vivenda e Planificación de Infraestruturas prevé comezar estas obras na vindeira primavera e desenvolvelas nun prazo de 8 meses
- A actuación contribuirá á mellora de seguridade, especialmente para os peóns, no tramo entre a PO-310 e o cruce coa variante norte de Poio (VG-4.8)
- Transformarase en glorieta a intersección en "T" situada no quilómetro 3+200 desta vía, na súa conexión coa estrada PO-310
- Executaranse sendas peonís en ambas as marxes da estrada para facilitar desprazamentos a pé máis seguros
- Acondicionarase a intersección de acceso ao CEIP Campañó, habilitaranse nesta contorna dúas zonas de aparcadoiro e melloraranse as paradas de autobús
Estas imágenes pertenecen a Página Oficial de la Xunta de Galicia
Santiago de Compostela, 3 de setembro de 2024
A Xunta recibe 10 ofertas para executar as obras de mellora de seguridade da estrada PO-531 ao paso pola parroquia de Campañó, en Pontevedra, que suporán un investimento total de 862.000€.
A Consellería de Vivenda e Planificación de Infraestruturas prevé comezar estas obras na vindeira primavera e desenvolvelas nun prazo de execución de 8 meses.
As actuacións desenvolveranse no treito da PO-531 entre o cruce coa estrada PO-310 e o cruce coa variante norte de Poio (VG-4.8) co obxectivo de contribuír á mellora de seguridade, especialmente para os peóns.
Trátase dun conxunto de actuacións deseñadas para mellorar a mobilidade na parroquia de Campañó, contribuíndo a unha convivencia harmónica entre os desprazamentos dos peóns e a circulación dos vehículos.
Por unha parte, reforzarase a seguridade dos peóns e executaranse sendas peonís en ambas as marxes da estrada PO-531, entre a nova glorieta e a rotonda da VG-4.8.
Por outra parte, transformarase en glorieta a intersección en "T" situada no quilómetro 3+200 desta vía, na súa conexión coa estrada PO-310. Acometerase unha rotonda cun diámetro exterior de 30 metros e un diámetro interior de 8, con dous carrís e dúas beiravías.
Ademais, procederase ao acondicionamento da intersección na marxe esquerda no punto quilométrico 3+450, de acceso ao colexio CEIP Campañó. Tamén se habilitarán neste punto dúas zonas de aparcadoiro, nas proximidades da estrada PO-531.
Para acadar un proxecto integral tamén se acondicionarán as paradas de autobús existentes, incluíndo a instalación de refuxios.
