Diego Calvo asiste á final de paratriatlón na que Susana Rodríguez Gacio conseguiu a medalla de ouro
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Estas imágenes pertenecen a Página Oficial de la Xunta de Galicia
Santiago de Compostela, 2 de setembro de 2024
O conselleiro de Presidencia, Xustiza e Deportes, Diego Calvo, xunto ao secretario xeral para o Deporte, José Ramón Lete, asistiu esta mañá na ponte Alexandre III de París á proba de paratriatlón na categoría de PTVI dos Xogos Paralímpicos, na que Susana Rodríguez Gacio se proclamou campioa coa súa guía Sara Pérez e revalidou así a medalla de ouro das Olimpíadas de Toquio 2020. Diego Calvo trasladoulles o orgullo e o agradecemento de toda Galicia polo seu esforzo e este novo éxito. Debido precisamente aos seus títulos e medallas en campionatos internacionais, tanto mundiais como europeos, a Xunta concedeu o ano pasado a Susana Rodríguez Gacio a Medalla Castelao.
Nesta xornada, o conselleiro de Presidencia e o secretario xeral para o Deporte visitaron os deportistas da delegación galega na Vila Paralímpica, entre eles, Adi Iglesias, tamén medalla de ouro en Toquio e que mañá compite nos 100 metros lisos T13 ou Desi Vila, quen disputará o xoves a final de salto de lonxitude T63.
