Controlado o incendio forestal do concello ourensán da Gudiña, parroquia de Pentes
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Segundo as últimas medicións, afecta unha superficie de 75,73 hectáreas, todas elas de monte arborado
Estas imágenes pertenecen a Página Oficial de la Xunta de Galicia
Santiago de Compostela, 24 de agosto de 2024
A Consellería do Medio Rural informa de que o incendio forestal rexistrado no concello ourensán da Gudiña, parroquia de Pentes, está controlado desde as 20.23 horas de hoxe.
O lume iniciouse onte ás 17.34 horas e segundo as últimas medicións afecta unha superficie de 75,73 hectáreas, todas elas de monte arborado. Para o seu control mobilizáronse, ata o de agora, 5 técnicos, 16 axentes, 41 brigadas, 26 motobombas, 2 pas, 7 avións e 9 helicópteros. Entre as brigadas mobilizadas, participaron tamén nos labores de extinción dous equipos de bombeiros de Estonia, que se atopan de estadía en Galicia no marco do mecanismo europeo de protección civil.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais que acadan as 20 hectáreas poderá ser consultada na conta aberta de twitter: @incendios085.
