Os hoteis galegos reciben un 2,5% de viaxeiros máis en xullo e incrementan a súa rendibilidade un 7%
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A falta de coñecer os datos do resto de establecementos de aloxamento, no ámbito hoteleiro Galicia consolida o incremento dos valores previos á pandemia en verán
- O turismo internacional acumula catro anos consecutivos de crecemento da demanda hoteleira en xullo e acada un máximo histórico este mes
Estas imágenes pertenecen a Página Oficial de la Xunta de Galicia
Santiago de Compostela, 23 de agosto de 2024
Os hoteis e pensións galegos recibiron o pasado mes de xullo máis de 600.000 viaxeiros que fixeron preto de 1,3 millóns de noites, o que supón un incremento de 2,5% e que trouxo consigo bos datos económicos para o sector, cun incremento da rendibilidade hoteleira de máis do 7%.
Así se desprende das magnitudes feitas públicas hoxe polo Instituto Nacional de Estatística (INE) sobre viaxeiros e noites nos hoteis e pensións rexistrados en xullo. A falta de coñecer os datos do resto de establecementos de aloxamento que se publicarán a vindeira semana, constátase que o turismo en Galicia acumula tres anos consecutivos de estabilidade no verán e consigue situarse por riba dos valores previos á pandemia, superando nun 5% a cifra de xullo de 2019 en hoteis e pensións.
O 77% das noites hoteleiras corresponderon en xullo ao turismo de ámbito nacional, e obsérvase un importante incremento do internacional, que consolida catro anos consecutivos de crecemento da demanda en xullo, o que permite acadar un máximo histórico con máis de 290.000 noites hoteleiras.
Medra en Lugo e Ourense
A nivel territorial o comportamento da demanda hoteleira destacou nas provincias de Lugo e Ourense, con incrementos da súa demanda hoteleira nun 6% e nun 4% respectivamente.
Estas cifras repercutiron no incremento dos niveis de rendibilidade hoteleira en relación ao ano pasado, que sobe un 7,4%. Estímase que o sector hoteleiro galego obtivo uns ingresos totais nominais de case 58 millóns de euros no mes de xullo, cifra que se incrementa en relación ao dato do pasado ano nun 3,4%, superando tamén o valor previo á pandemia, de xullo de 2019, cando se facturaban case 43 millóns de euros no segmento hoteleiro da comunidade. Isto supón que Galicia rexistra un máximo da serie histórica de ingresos hoteleiros no mes de xullo.
