A Xunta promove actividades gastronómicas entre a rapazada no campamento 'O sabor do verán'
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A directora xeral de Xuventude visita as actividades que se levan a cabo no Centro Superior de Hostelería de Galicia, combinando o mundo da cociña con propostas lúdicas na natureza
Estas imágenes pertenecen a Página Oficial de la Xunta de Galicia
Santiago de Compostela, 21 de agosto de 2024
A directora xeral de Xuventude, Lara Meneses, visitou hoxe o campamento O sabor do verán que se celebra ata o 27 de agosto no Centro Superior de Hostelería de Galicia. Trátase dunha iniciativa que ofrece 30 prazas por quenda e que combina actividades gastronómicas con propostas lúdicas na natureza.
Na súa visita, Lara Meneses recordou que este campamento, incluído na campaña O teu mellor verán da Consellería de Cultura, Lingua e Xuventude, permite a rapaces de entre 10 e 13 anos coñecer diferentes técnicas culinarias ou tipos de cociña, ao tempo que gozan doutras propostas lúdicas de temática medioambiental.
As actividades que completan a estancia son xogos ecolóxicos e de concienciación, rutas de sendeirismo, obradoiros de reciclaxe, coñecemento da flora ou aprendizaxe sobre recursos naturais e limpeza do medio. "O obxectivo é poñer en valor a natureza mentres que os cativos se divirten e aprenden ao aire libre", sinalou Lara Meneses.
Programación 'O teu mellor verán'
A representante da Consellería de Cultura, Lingua e Xuventude afondou na importancia de "promover actividades que fomenten, durante esta época de estío, a conciliación familiar e laboral". Deste xeito, destacou que a Campaña de Verán da Xunta "está sendo un referente en todo o Estado polo alto nivel das súas actividades". "Así é que Galicia se converteu en destino preferente, tanto para a mocidade galega como doutras comunidades ou do estranxeiro", aseverou.
No caso concreto deste ano ofertáronse un total de 11.533 prazas, o que supón a maior oferta da historia destas actividades de verán que dependen da Consellería de Cultura, Lingua e Xuventude. As opcións abranguen campamentos para mozos e mozas de entre 9 e 17 anos, actividades para maiores de 18 anos, minicampamentos, campos de voluntariado, o programa Conecta con Galicia para a mocidade galega no exterior e o uso das instalacións xuvenís xestionadas pola Xunta.
