Medio Rural presenta o plan de transferencia tecnolóxica para ampliar a formación no sector
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Este plan, elaborado pola Axencia Galega da Calidade Alimentaria, conta cun orzamento de 105.000 euros para 2024
- Estes fondos económicos teñen como obxectivo manter ao sector agrario actualizado para o desempeño do seu traballo a través de xornadas técnicas, mesas redondas e outra accións formativas
- Poderán asistir a estas formacións agricultores, gandeiros, silvicultores con producións con orientación comercial ou con expectativa de incorporación, incluídos os membros da compañía familiar e as persoas asalariadas das explotacións
Santiago de Compostela, 17 de agosto de 2024
A Consellería do Medio Rural, a través da Axencia Galega da Calidade Alimentaria, acaba de presentar o plan de transferencia tecnolóxica para o agro galego, que conta cun orzamento de 105.000 euros para 2024 cofinanciados co Fondo Europeo Agrícola de Desenvolvemento Rural (Feader) no marco do Plan estratéxico da PAC (PEPAC) 2023-2027.
Estes fondos económicos teñen como obxectivo manter ao sector agrario actualizado para o desempeño do seu traballo a través de xornadas técnicas, mesas redondas, simposios, seminarios temáticos ou outras accións divulgativas que se celebrarán principalmente nos centros de formación e experimentación agraria, así como nos centros de investigación dependentes da Consellería. Así, impulsaranse, entre outras, accións vencelladas cos sectores lácteo e cárnico, a viticultura e a apicultura. Tamén se realizarán xornadas transversais orientadas ao emprendemento no sector primario.
Poderán asistir a estas formacións agricultores, gandeiros, silvicultores con producións con orientación comercial ou con expectativa de incorporación, incluídos os membros da compañía familiar e as persoas asalariadas das explotacións. Tamén poderán inscribirse os asalariados das empresas de servizos agrarios e da industria transformadora.
As persoas interesadas en realizar unha presolicitude terán que solicitala de xeito telemático a través da seguinte ligazón, inserindo o código do curso ou seleccionando nas seccións de búsqueda habilitadas. As datas e lugares de impartición dos cursos anunciaranse proximamente, unha vez se acade o mínimo de 10 persoas preinscritas para a acción formativa solicitada. Tamén se poden consultar aquí outros cursos que oferta a Axencia.
Ligazón á preinscrición:
https://foagro.xunta.gal/foagro/inscripcion/publica/accionsFormativas
Ligazón á oferta formativa:
https://ovmediorural.xunta.gal/es/consultas-publicas/acciones-formativas
