A Xunta mantén aberto o prazo para que os concellos se acollan ás novas axudas para habilitar viviendas dirixidas a persoas sen fogar
- Destínanse 5,7 millóns de euros a esta convocatoria, que permanecerá aberta ata o vindeiro día 5 de agosto
- O importe máximo por proxecto será de 72.000 euros e se financiarán as actuacións que se realicen entre o 1 de xaneiro deste ano e o 31 de outubro de 2025
Santiago de Compostela, 27 de xullo de 2024
A Xunta mantén aberto ata o vindeiro día 5 de agosto o prazo para que os concellos se acollan á nova orde de axudas para realizar actuacións de rehabilitación e equipamento de edificacións para vivendas destinadas á atención de persoas sen fogar. O orzamento desta convocatoria é de 5,7 millóns de euros e realízase no marco do Plan de recuperación, transformación e resiliencia, financiado pola Unión Europea (NextGenerationEU).
As bases que regulan estas achegas pódense consultar no Diario Oficial de Galicia (DOG) do día 3 do pasado mes de xullo. O importe máximo por proxecto será de 72.000 euros: 47.000 para os traballos de reforma e acondicionamento, e 25.000 para o equipamento. Ademais, financiaranse as actuacións realizadas no período comprendido entre o 1 de xaneiro deste ano e o 31 de outubro de 2025.
Galicia foi pioneira na atención ás persoas sen fogar coa posta en marcha dun plan específico para elas que o Executivo autonómico desenvolveu da man das administracións locais e de entidades de iniciativa social. Este plan dedícalle unha especial atención á área de vivenda, fixándose como obxectivo que as persoas sen teito conten cun fogar como paso inicial e básico para a súa reinserción social.
