O Museo Catedralicio de Mondoñedo exhibe unha peza de cerámica de época baixoimperial cedida pola Xunta
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Foi descuberta nunha escavación financiada polo Goberno galego no 2017 e presenta unha inscrición interpretada como un Crismón arcaico
Estas imágenes pertenecen a Página Oficial de la Xunta de Galicia
Mondoñedo (Lugo), 24 de xullo de 2024
A Xunta de Galicia entregou ao Museo Diocesano e Catedralicio de Mondoñedo unha antiga peza de cerámica descuberta nun xacemento da localidade no ano 2017. No acto, celebrado hoxe na Catedral, participaron o delegado territorial de Lugo, Javier Arias, e o bispo de Mondoñedo-Ferrol, Fernando García Cadiñanos, entre outros.
O fragmento é parte dunha cunca e presenta no seu fondo un grafito con sete liñas incisas radiais, interpretadas como a representación dun Crismón arcaico, segundo figura na memoria da intervención. Neste sentido, constituiría o achado máis antigo indicativo da presenza do cristianismo en Mondoñedo.
Apareceu nunha escavación financiada pola Dirección Xeral de Patrimonio Cultural na zona dos Castros, na parte alta da área urbana de Mondoñedo, nun contexto habitacional con abundantes fragmentos de cerámica tardía e cunha moeda que, polas súas características, parece corresponder á época baixoimperial ou comezos da medieval, entre os séculos V e VI.
O Museo do Castro de Viladonga, que depende da Consellería de Cultura, Lingua e Xuventude, custodiaba a peza que agora cede ao Museo catedralicio de Mondoñedo, inicialmente durante cinco anos prorrogables de xeito automático por períodos iguais.
