O delegado territorial da Xunta en ourense presenta o festival 'Xoldra de Aguiar' que se desenvolverá no concello de Pereiro de Aguiar
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Actuarán os grupos galegos Cé Orquestra Pantasma, Los Camachuelos, O Sonoro Maxín e Luar na Lubre
- Trátase dunha iniciativa patrocinada por Turismo de Galicia, coa colaboración da Deputación Provincial de Ourense e do concello de Pereiro de Aguiar
- Este modelo de evento pon en valor a tradición das festas populares nun entorno rural. A ambientación e decoración do evento pretende evocar as festas populares sen grandes estruturas, poñendo en valor o patrimonio natural e etnográfico do Concello
Estas imágenes pertenecen a Página Oficial de la Xunta de Galicia
Ourense, 19 de xullo de 2024
O delegado territorial da Xunta en Ourense, Manuel Pardo, participou esta mañá, acompañado do vicepresidente Segundo da Deputación Provincial de Ourense, César Manuel Fernández, e o concelleiro de Cultura, Sanidade e Consumo do concello de Pereiro de Aguiar, Casiano Ángel Feijóo, na presentación do festival Xoldra de Aguiar que se celebrará o 14 de setembro no concello de Pereiro de Aguiar, e que ten como principal obxectivo a posta en valor do rural coa cultura das festas populares como instrumento catalizador dun evento musical durante o día, desde a sesión vermú ata a noite, ademais de contar con programación infantil.
Trátase dunha iniciativa patrocinada por Turismo de Galicia, coa colaboración da Deputación Provincial de Ourense e do concello de Pereiro de Aguiar, onde a convivencia, a música e o bo ambiente serán os protagonistas dunha xornada na que os veciños poderán gozar dun evento no rural, ao aire libre, das actuacións dos grupos galegos Cé Orquestra Pantasma, Los Camachuelos, O Sonoro Maxín e Luar na Lubre. Tamén a gastronomía, que forma unha parte importantísima de calquera evento destas características, terá presenza cun posto de pulpo e comida tradicional galega, así como grupos de animación para nenos e nenas.
Este evento invita aos veciños de Pereiro de Aguiar e aos das veciñanzas próximas a recuperar a figura das festas populares como un lugar de xuntanza. O valor engadido da música en directo de grupos recoñecidos fai que público doutros lugares de Galicia se despracen ata alí.
Este modelo de evento pon en valor a tradición das festas populares nun entorno rural. A ambientación e decoración do evento pretende evocar as festas populares sen grandes estruturas, poñendo en valor o patrimonio natural e etnográfico do Concello. Ao tratarse dun evento diúrno case na súa total duración, evitamos reducir significativamente a contaminación luminosa e acústica
O prezo das entradas, á venda en Ataquilla.com, teñen un prezo individual de 15 euros, dos que 5€ destinarase ao Banco de Alimentos do Concello de Pereiro de Aguiar.
