A Xunta crea un grupo de traballo técnico para actualizar a Estratexia galega de cambio climático e avanzar cara a unha comunidade neutra en emisións

Estas imágenes pertenecen a xunta.gal

  • Ángeles Vázquez explica que este grupo de profesionais dará inicio aos traballos para a elaboración do novo Plan rexional integrado de clima e enerxía 2024-2030
  • As prioridades serán afondar na mitigación das emisións, apostar pola protección da biodiversidade e do patrimonio natural, e dar un pulo ás medidas orientadas a reducir o impacto do cambio climático na saúde
  • Este segundo plan rexional integrado dá continuidade ao desenvolvido entre os anos 2019 e 2023, ao abeiro do que se executaron un total de 139 a través dun investimento de 1.139 millóns de euros

Santiago de Compostela, 11 de xullo de 2024

A Xunta aprobou a creación dun grupo de traballo técnico para actualizar a Estratexia galega de cambio climático e enerxía 2050 (EGCCE 2050) co obxectivo de seguir avanzando cara a unha Comunidade neutra en emisións.

Durante a súa participación na reunión do pleno da comisión interdepartamental para o impulso e coordinación da EGCCE 2050, a conselleira de Medio Ambiente e Cambio Climático, Ángeles Vázquez, explicou que este grupo de profesionais dará inicio aos traballos para a elaboración do novo Plan rexional integrado de clima e enerxía 2024-2030, que permitirá revisar e actualizar as liñas e medidas da folla de ruta da Comunidade para acadar a neutralidade climática.

Máis polo miúdo, Ángeles Vázquez subliñou que este grupo de traballo estará integrado por persoas de perfil técnico e terán a función de colaborar na definición, revisión e contraste previo das propostas técnicas que se trasladarán con posterioridade á comisión interdepartamental para realizar as reunións temáticas en función dos obxectivos do plan rexional integrado.

Nesa liña, a conselleira incidiu en que as prioridades deste plan serán afondar na mitigación das emisións para avanzar na neutralidade climática; apostar pola protección da biodiversidade e do patrimonio natural, e dar un pulo ás medidas orientadas a reducir o impacto do cambio climático na saúde.

A maiores, Ángeles Vázquez avanzou que neste período se reforzará o papel da comisión interdepartamental para o impulso e coordinación da EGCCE 2050 afianzando o seu carácter transversal e fomentando a cooperación entre todos os axentes e departamentos da Xunta implicados nesta materia.

Nese senso, a representante autonómica incidiu en que a loita contra o cambio climático é unha cuestión que compete a toda a sociedade polo que avogou por reforzar a coordinación coas administracións locais, a través da Rede local polo clima, e co tecido económico e social, mediante a Alianza galega polo clima.

Cómpre lembrar que este segundo plan rexional integrado dá continuidade ao desenvolvido entre os anos 2019 e 2023, ao abeiro do que se executaron un total de 139 medidas -máis do 80 % das propostas- a través dun investimento de 1.139 millóns de euros -máis do 90 % do total orzamentado-. Así, segundo aseverou a conselleira, "pódese dar por executado máis do 90 % da planificación inicialmente prevista".

Para concluír, Ángeles Vázquez insistiu en que o Goberno galego seguirá traballando na mitigación das emisións de gases de efecto invernadoiro; na adaptación aos seus impactos; na investigación das súas causas, evidencias e efectos, e na concienciación social para acadar unha cidadanía formada, sensibilizada e resiliente a este fenómeno.

"" https://govclipping.com/modules/controller/UserDatasetActionsController.php Lista creada! La lista ha sido creada y la noticia añadida correctamente. Lista modificada! El título de la lista ha sido modificada correctamente. Eliminar lista: @text@ ¿Estás seguro de que quieres eliminar esta lista? Todas las noticias que contiene serán desmarcadas. Lista eliminada! La lista ha sido eliminada correctamente. Error! Error al eliminar la lista. Aceptar Cancelar https://govclipping.com/modules/controller/NewslettersController.php ¡Suscripción realizada! Te has suscrito correctamente a la newsletter de GovClipping. Algo salió mal No ha sido posible suscribirte a la newsletter. Vuelve a introducir tu email o inténtalo de nuevo más tarde.
318634 {"title":"A Xunta crea un grupo de traballo técnico para actualizar a Estratexia galega de cambio climático e avanzar cara a unha comunidade neutra en emisións","published_date":"2024-07-11","region":"galicia","region_text":"Galicia","category":"press_release","category_text":"Notas de prensa","image":"https:\/\/govclipping.com\/uploads\/images\/103518-govclipping-espana-galicia-notas-prensa.webp","id":"318634"} galicia C. de Medio Ambiente e Cambio Climático https://govclipping.com/modules/controller/ArticlesController.php https://govclipping.com/modules/controller/ReferencesController.php Resaltar Quitar resaltado https://govclipping.com/es/galicia/press_release/2024-07-11/318634-xunta-crea-grupo-traballo-tecnico-actualizar-estratexia-galega-cambio-climatico-e-avanzar-cara-unha-comunidade-neutra-emisions https://govclipping.com/signup https://govclipping.com/modules/controller/UserController.php Sector económico actualizado! El sector económico de tu perfil ha sido actualizado correctamente. Error Por algún motivo no hemos podido tramitar la petición. Vuelve a intentarlo más tarde.