A Xunta ofrece este verán co 'CulturON 2024' máis de 500 plans culturais para todas as idades na área de Vigo
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A delegada territorial en Vigo, Ana Ortiz, acudiu ao Acuario do Museo do Mar de Galicia no que se celebran visitas guiadas
- A campaña estival do Goberno galego chega a 9 concellos da área con música, maxia, artes escénicas, exposicións, patrimonio ou bibliotecas, entre outras propostas
Estas imágenes pertenecen a Página Oficial de la Xunta de Galicia
Vigo, 9 de xullo de 2024
A delegada territorial da Xunta de Galicia en Vigo, Ana Ortiz, visitou este martes o Acuario do Museo do Mar de Galicia con motivo da posta en marcha da programación do CulturON da Consellería de Cultura, Lingua e Xuventude. A representante autonómica destacou a "calidade e cantidade" das actividades previstas para "todas as idades" este verán na área territorial.
Así, Ortiz sinalou que haberá un total de 518 actividades en nove concellos (Baiona, Cangas, Mos, Nigrán, O Porriño, Redondela, Salvaterra, Soutomaior e Vigo), de elas 351 en Vigo. "É un programa destinado a todos os públicos, pero especialmente ao familiar e infantil, unha oferta plural destinada a satisfacer os diversos gustos da cidadanía a través de proxectos propios da Administración autonómica e a colaboración con diferentes institucións públicas e entidades privadas" , indicou.
Coas propostas xa en marcha, que continuarán ata o mes de setembro, neste 2024 dáselle continuidade a unha campaña que xa funcionou durante o pasado ano e que cobra agora unha dimensión maior. A delegada explicou que todas as propostas, que se poden consultar na Agenda de Cultura de Galicia, van na liña dos obxectivos da Lei de cultura inclusiva e accesible de Galicia, que acaba de recibir o visto e prace do Consello da Xunta, e da futura Rede Adival de dinamización cultural no ámbito rural.
Desta maneira, a oferta caracterízase pola súa descentralización e diversificación, con presenza en máis de 200 concellos e unha media diaria de 30 accións. Abrangue máis de 500 propostas no marco de festivais de diversa índole como música, teatro ou narrativa; 800 iniciativas vencelladas a distintos circuítos de maxia, espectáculos de rúa ou literatura, entre outros; máis de 200 citas musicais e outras 200 funcións relacionadas coas artes escénicas; preto de 300 accións englobadas no Plan Corresponsables Cultura e 300 actividades máis organizadas ao abeiro da Rede de Bibliotecas Públicas coordinadas pola Xunta; unha trintena de exposicións e 40 actividades en prol da lingua.
