A Xunta destina 500.000€ á mellora de 46 equipamentos culturais en toda Galicia
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A Consellería de Cultura, Lingua e Xuventude resolve as axudas coas que colabora coa renovación de centros culturais, auditorios e bibliotecas, entre outros
- As subvencións enmárcanse nos obxectivos do plan para modernizar as infraestruturas no que traballa o Goberno galego
- Entre as accións que se sufragan inclúese a adquisición de equipamentos informáticos, a mellora de accesibilidade, a creación de novos espazos e a posta en funcionamento de novas instalacións
Santiago de Compostela, 6 de xullo de 2024
A Consellería de Cultura, Lingua e Xuventude vén de resolver as axudas para a mellora de equipamentos culturais que, nesta convocatoria, contribúen á mellora de 46 infraestruturas de toda Galicia. Trátase dunha medida que conta cun orzamento de 500.000€ e que permite a renovación de bibliotecas, auditorios e centros culturais de 46 concellos.
Así, tal e como se publica no Diario Oficial de Galicia, as axudas incrementarán a calidade da oferta cultural de 19 bibliotecas e axencias de lectura, 15 centros culturais, seis auditorios, dous centros de interpretación patrimonial, dous escolas de música e un arquivo. Do total dos proxectos, 19 están na provincia da Coruña, 11 na de Lugo, 9 na de Pontevedra e 7 na de Ourense.
Ademais, entre as accións que se sufragan inclúese a adquisición de equipamentos informáticos, a mellora de accesibilidade, a creación de novos espazos e a posta en funcionamento de novas instalacións culturais.
Estas axudas enmárcanse no compromiso do Goberno galego por mellorar e impulsar o equipamento das unidades culturais galegas e garantir o acceso á cultura a todos os galegos en liña co futuro plan de modernización das infraestruturas culturais públicas de Galicia, a folla de ruta na que traballa a Xunta de Galicia para recoller os retos de futuro deses equipamentos.
