Medio Rural pon en valor o dispositivo de loita contra os incendios forestais galego nun encontro Euromediterráneo en Francia
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director xeral de Defensa do Monte, Manuel Rodríguez, participou nunha mesa redonda enmarcada na xuntanza da Asemblea Rexional Local do Euromediterráneo celebrada en Carcasona
- Na súa intervención abordou cuestións relacionadas coa prevención, a actuación e a resposta ante os incendios forestais, pero tamén sobre os mecanismos de cooperación entre os estados europeos
Santiago de Compostela, 3 de xullo de 2024
O director xeral de Defensa do Monte dependente da Consellería do Medio Rural, Manuel Rodríguez, participou nunha mesa redonda ante autoridades europeas e mediterráneas para abordar cuestións como a prevención, a actuación e a resposta ante os incendios forestais, pero tamén sobre os mecanismos de cooperación entre os estados europeos, no marco da Asamblea Rexional Local do Euromediterráneo. Durante a súa intervención, puxo en valor o traballo que se leva a cabo desde o Servizo de Prevención e Defensa contra os Incendios Forestais de Galicia, destacado a nivel nacional e europeo.
Esta xuntanza, celebrada os días 1 e 2 de xuño en Carcasona (Francia), reuniu a responsables de incendios dos Pireneos Orientais franceses, así como a outros representantes de Marrocos para abordar a forma na que se actúa na loita contra os incendios.
Ademais, ao longo destas dúas xornadas contouse coa participación de membros do Comité das Rexións da Unión Europea, que manifestaron a súa vontade de trasladar as conclusións acadadas durante esta asemblea á Unión Europea.
Campaña de alto risco
Este pasado luns deu comezo a campaña de alto risco de incendios. Galicia conta cun dispositivo integrado por máis de 7.000 efectivos despregados nos montes galegos, 3.000 dependentes da Consellería do Medio Rural, e con algunhas novidades recollidas no Plan de prevención e defensa contra os incendios forestais de Galicia (Pladiga).
A actualización deste ano do Pladiga inclúe a adquisición de seis novas máquinas hidrostáticas polivalentes, compatibles para tarefas de prevención e extinción; a entrada en funcionamento neste mesmo verán da base de medios aéreos de Verín-Oímbra ou a ampliación da rede de vixilancia forestal coa instalación de 24 novas cámaras en 12 localizacións diferentes, chegando ata as 177 cámaras en 88 localizacións.
A maiores, esta mesma semana aprobouse no Consello da Xunta a renovación do convenio co Ministerio de Defensa para contar co exército en tarefas de vixilancia dos montes, polo que se unirán ao dispositivo 30 patrullas terrestres e dous equipos de mantemento móbil.
