A Xunta aborda coa Asociación para a promoción de actividades de integración sociolaboral en centros especiais de emprego os retos da economía social
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O conselleiro de Emprego, Comercio e Emigración, José González, acompañado da directora xeral de Traballo Autónomo e Economía Social, Marta Mariño, vén de tratar con representantes de Aspais a nova lei estatal de economía social
- No que vai de ano o Goberno galego xa ten convocado case 39 millóns de euros en axudas para a creación e consolidación de negocios da economía social e para impulsar o emprego inclusivo, incluídos case 26 M€ para centros especiais de emprego
Santiago de Compostela, 23 de xuño de 2024
O conselleiro de Emprego, Comercio e Emigración, José González, acompañado da directora xeral de Traballo Autónomo e Economía Social, Marta Mariño, vén de reunirse coa Asociación para a promoción de actividades de integración sociolaboral en centros especiais de emprego (Aspais), co gallo de afrontar os retos da economía social en Galicia.
En concreto, na xuntanza tratáronse cuestións de relevancia para Aspais como a tramitación da nova lei estatal de economía social, un texto no que agardan que entidades como a súa estean adecuadamente representadas. No encontro estiveron presentes, ademais do conselleiro e da directora xeral, o presidente de Aspais, Ramón Dourado, o secretario, Osvaldo Fernández, e a responsable de comunicación, Esther Fernández.
A Xunta ten en marcha a 2ª Estratexia galega da economía social Horizonte 2027, que persegue posicionar esta fórmula empresarial nos sectores verde, sustentable, industrial, tecnolóxico e dixital, ao tempo que contén medidas para xerar 4.000 empregos e crear 400 novas entidades.
Para seguir dándolle pulo á economía social, a Consellería de Emprego, Comercio e Emigración conta neste 2024 cun orzamento de 43,6 millóns, un 3 % máis que no último exercicio. No que vai de ano xa se teñen convocado case 39 millóns en axudas para apoiar a creación e consolidación de negocios ao abeiro deste ecosistema económico e para impulsar o emprego inclusivo. Entre elas, a orde por 25,75 millóns de euros para favorecer a integración laboral das persoas con discapacidade nos centros especiais de emprego de Galicia.
