O Servizo Galego de Saúde ultima o dispositivo organizativo para os exames da categoría de médico de familia do vindeiro 23 de xuño
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O Recinto Feiral de Silleda acollerá un total 606 aspirantes para a realización das probas do concurso-oposición na categoría de médico/a de familia de atención primaria
Santiago de Compostela, 12 de xuño de 2024
A directora xeral de Recursos Humanos do Servizo Galego de Saúde, Mar Pousa Cobas, presidiu esta mañá en Silleda unha reunión con representantes dos corpos de seguridade, emerxencias e persoal da Fundación da Semana Verde para ultimar os operativos de organización e seguridade, dos exames da OPE que se desenvolverán o vindeiro 23 de xuño no Recinto Feiral Internacional de Galicia.
Así, e desde as 09,30 horas da mañá, un total de 606 aspirantes acudirán á realización dos exames do concurso-oposición para acceder ás 271 prazas ofertadas na categoría de médico/a de familia. En concreto, 126 corresponden á quenda de acceso libre, 132 á quenda de promoción interna e 13 a de discapacidade xeral.
Acompaña pola subdirectora de Selección de Persoal, María José Montero Furelos, a directora xeral de Recursos Humanos destacou o traballo que realizan as persoas dos dispositivos de seguridade, control de acceso e seguimento das probas e amosouse confiada a que, grazas a ese labor, unha vez máis, a xornada de exames transcorra con total normalidade.
Deste xeito, e xunto coas persoas colaboradoras do Servizo Galego de Saúde que participarán nas tarefas organizativas das probas, o dispositivo completarase con efectivos da Garda Civil, Policía, Protección Civil, 061 e persoal da Fundación Semana Verde de Galicia.
Protocolo das medidas organizativas
As probas selectivas realizaranse no Pavillón número 2 do Recinto Feiral de Silleda. Así, na páxina web do Servizo Galego de Saúde (www.sergas.es) recóllese toda información referida ás distintas portas de acceso ao recinto e a relación dos aspirantes comprendidos en cada unha delas.
De acordo ao protocolo de medidas organizativas para o desenvolvemento destas probas, os aspirantes deberán ter en conta que:
- Non se realiza o chamamento dos aspirantes no exterior do recinto de realización das probas.
- A acreditación para o acceso efectuarase a través de código QR, que o aspirante poderá obter a través de Fides/expedient-e e que deberá levar impreso o día do exame e conservar ata a finalización das probas. O código QR conterá información da data, hora, lugar, pavillón, porta de acceso e posto do exame que corresponde a cada aspirante, ademais de incluír indicacións xerais a ter contar para o acceso dos aspirantes e no desenvolvemento das probas.
- Todos os aspirantes presentados ás probas selectivas terán dispoñible, a través de Fides/expedient-e, un certificado de asistencia, a partir do día seguinte ao de realización dos exercicios.
