González reafirma o compromiso co emprendemento e o emprego para xerar riqueza e fixar poboación co foco posto no comercio e no retorno de emigrantes

• José González destacou a aposta por cubrir as arredor de 15.000 vacantes laborais existentes, coa ferramenta EMi que liga oferta e demanda con intelixencia artificial, a análise das necesidades laborais en comarcas concretas ou microformacións flexibles
• Anunciou iniciativas como proxectos de coworking e coliving na Galicia non urbana para fixar poboación atraendo nómades dixitais e espazos de experimentación para novos negocios onde os emprendedores poidan testar os seus produtos ou servizos
• Salientou o compromiso coas axudas a autónomos e o labor do futuro Centro de Orientación, Emprendemento, Acompañamento e Innovación, que servirá de nexo entre as Oficinas de emprego e os Polos de emprendemento (13 activos na actualidade)
• Na estratexia a prol do comercio, avogou por un Plan de remuda, pola redefinición dos centros comerciais abertos, por consolidar as prazas de abastos como "Mercados Excelentes" e por un mapa de comercio coas necesidades específicas de cada contorna
• Canto ao retorno de galegos, reeditarase o Programa Retorna Cualifica Emprego con traballos de calidade ofrecidos en orixe, axudas ao emprendemento ou as Bolsas Excelencia Mocidade Exterior para fomentar a volta de xente nova cualificada
• O conselleiro tamén considerou fundamental manter aberto o proceso de escoita activa iniciado para traballar da man da colaboración público-privada e do Diálogo Social, ao que quere dotar dunha maior profundidade e transversalidade