A Xunta destaca os coidados especializados que reciben os maiores no Centro de Día Público das Neves, que celebra o seu aniversario
![Imagen del artículo A Xunta destaca os coidados especializados que reciben os maiores no Centro de Día Público das Neves, que celebra o seu aniversario](https://www.xunta.gal/documents/35297/1053367/20240524+FotoConsorcioCentroDiaAsNeves1.jpeg)
Estas imágenes pertenecen a xunta.gal
- Asinarase un convenio co Concello para realizar obras de mellora neste servizo de atención diúrna ao que acoden unha vintena de usuarios
As Neves (Pontevedra), 24 de maio de 2024
O xerente do Consorcio Galego de Servizos de Igualdade e Benestar, Perfecto Rodríguez, asistiu hoxe á celebración do dezaseis anos de actividade do centro de día, pertencente á rede pública autonómica. Perfecto Rodríguez aproveitou a conmemoración para conversar con profesionais, usuarios e familiares deste servizo no que reciben atención especializada unha vintena de persoas maiores tanto de As Neves como doutros concellos da zona.
O xerente do Consorcio, que estivo acompañado do alcalde do concello, José Manuel Alfonso González, anunciou que a Xunta asinará un convenio de colaboración co concello para realizar obras de mellora en espazos interiores do centro. O orzamento que se destinarán a estes traballos será de 25.000 euros e "o obxectivo é que o persoal e os maiores que acoden diariamente a este servizo dispoñan dunhas instalacións cómodas, funcionais e accesibles", sinalou.
Con motivo da celebración da efeméride do centro, desenvolveuse un programa de actividades que incluíu a inauguración dunha exposición con traballos feitos polos usuarios, unha actuación musical e a entrega de agasallos.