Belén do Campo destaca o papel fundamental dos administradores de fincas para garantir o bo funcionamento dos fogares galegos

A Coruña, 13 de maio de 2024 A delegada da Xunta, Belén do Campo, participou na xornada formativa organizada polo Colexio de Administradores de Fincas de Galicia, na que se abordaron problemas de gran incidiencia para este colectivo como son o risco de incendios nos edifícios comunitarios.

Na súa intervención a representante do Goberno galego destacou que este colexio representa a máis de 600 profesionais en Galicia, persoas comprometidas con brindar servizos de administración de comunidades de propietarios de maneira xusta, eficiente e cun estrito respecto ao código deontolóxico profesional. E lembrou que "os administradores de fincas desempeñades un papel fundamental para garantir o bo funcionamento das propiedades xa que administrades, nada máis e nada menos, que o 80% dos fogares na nosa comunidade".

Ademais, puxo en valor outras das tarefas, non sempre recoñecidas a este colectivo, como é axudar ás administracións públicas á hora de determinar que medidas adoptar nalgúns aspectos, como violencia de xénero, soidade non desexada, axudas a propietarios ou a morosidade.

Belén do Campo rematou a súa intervención trasladando o apoio da Xunta a este colexio e aos seus asociados para seguir avanzando nos retos aos que se enfrontan a diario este colectivo profesional.