A campaña internacional 'Quere o teu mercado' desenvolverase en Galicia o 25 de maio coa participación de máis de 900 praceiros galegos
Estas imágenes pertenecen a xunta.gal
- A iniciativa da Consellería de Emprego, Comercio e Emigración terá lugar o Día do Mercado en 41 prazas galegas que toman parte desta actuación
- Na xornada celebraranse diversas actividades entre as que destacan showcookings, actuacións musicais, sorteo de cestas de produtos, obradoiros infantís ou concurso de debuxos
- O obxectivo é promover os mercados e prazas de abastos de Galicia, incentivar o consumo de produtos frescos e poñer en valor a compra de proximidade e a profesionalidade das praceiras e praceiros
Santiago de Compostela, 12 de maio de 2024 A campaña internacional Quere o teu mercado na súa edición 2024, celebrarase en Galicia o Día do Mercado, o 25 de maio, unha iniciativa da Consellería de Emprego, Comercio e Emigración coa que se busca promover os mercados e prazas de abastos de Galicia, incentivar o consumo de produtos frescos e poñer en valor a compra de proximidade e a profesionalidade e bo facer das praceiras e praceiros.
Esta ano participarán na actuación máis de 900 profesionais de 41 mercados emprazados en 26 concellos de toda a xeografía galega (19 de Pontevedra, 16 da Coruña, 4 de Ourense e 2 de Lugo).
Ao longo da xornada desenvolveranse diversas actividades entre as que destacan a realización de showcookings, actuacións musicais, sorte de cestas de produtos do mercado, obradoiros infantís ou concurso de debuxos.
A actuación enmárcase na importancia que a Xunta dálle ao comercio de proximidade, xa que ten enorme relevancia na xeración de emprego e na dinamización das economías locais. É parte fundamental para o crecemento económico e social de Galicia.
Trátase dunha campaña internacional que arrancará o vindeiro 17 de maio ata o 1 de xuño.
