Lugo acollerá o 19 de maio a concentración de motos clásicas con fins solidarios 'Distinguished Gentleman's Ride' co apoio da Xunta
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Lugo, 10 de maio de 2024
Lugo participará o 19 de maio na Distinguished Gentleman's Ride, un evento de carácter internacional con fins solidarios que reunirá na cidade motocicletas clásicas, neoclásicas e de estilo vintage pilotadas por moteiros e moteiras ataviados cunha vestimenta elegante. As motos realizarán un percorrido polas rúas lucenses e farán unha parada na praza Maior.
O delegado territorial da Xunta, Javier Arias, e o organizador desta iniciativa en Lugo, Eusebio Pajuelo, reuníronse hoxe para tratar sobre os detalles da concentración, que conta co apoio da Administración autonómica. É o terceiro ano que Lugo se suma a esta acción e agárdase que participen entre 140 ou 150 motos como nas dúas edicións anteriores.
A finalidade é pasar unha xornada de convivencia e recadar fondos aportados polos participantes para a fundación Movember, co fin de impulsar a investigación sobre problemas de saúde como o cancro de próstata. Trinta cidades españolas e máis de 900 de todo o mundo participan na iniciativa.
