A Casa de Galicia en Madrid acolleu a presentación da revista de FAGAMA
Estas imágenes pertenecen a xunta.gal
Madrid, 10 de maio de 2024
Javier Vázquez, director da Casa de Galicia en Madrid, participou na presentación da revista de FAGAMA (Federación de Asociacións Galegas en Madrid).
"Comprométome a estar á beira da vosa federación que tanto fai por Galicia difundindo as nosas tradicións, a nosa cultura e a nosa historia. Atoparedes en min, un fiel e leal colaborador, con dedicación plena e vontade permanente para dar resposta aos vosos problemas e inquietudes como asociación", dixo o director da Casa de Galicia na súa benvida.
No acto interveu Antonino Nieto, creador da revista, e que foi o encargado de explicar con detalle a xestación da mesma.
A presentación da revista serviu como preámbulo para, en primicia, interpretar o himno en homenaxe ao ilustre arquitecto galego, Antonio Palacios, composto por Carlos Nieto, director do coro do Centro Galego de Madrid.
A velada pechouse coa actuación do grupo lucense, A Penúltima.