Especialistas da Xunta e do Goberno canario intercambian en Galicia coñecementos e experiencias en materia de extinción de incendios forestais
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O persoal insular está a coñecer polo miúdo, ao longo desta semana, as instalacións, protocolos e medios do Servizo de Prevención e Defensa contra os Incendios Forestais (SPIF) de Galicia
- Ademais, realizan prácticas conxuntas cos seus colegas galegos en materia de manexo de motobombas e das novidosas unidades batracio, creadas e desenvolvidas de xeito pioneiro polo dispositivo da nosa comunidade
- Terán tamén coñecemento sobre o funcionamento e operatividade dos helicópteros do dispositivo galego e participarán conxuntamente cos profesionais da nosa comunidade en manobras de emprego de lume técnico, usado en queimas prescritas
Estas imágenes pertenecen a Página Oficial de la Xunta de Galicia
Santiago de Compostela, 9 de abril de 2024
Un grupo de profesionais dos Equipos de Intervención y Refuerzo en Incendios Forestales (EIRIF) do Goberno das Illas Canarias atópase esta semana de visita en Galicia, para intercambiar coñecementos e experiencias con persoal do Servizo de Prevención e Defensa contra os Incendios Forestais (SPIF) da Xunta.
A estancia desta unidade especializada en extinción de lumes está sendo coordinada pola Dirección Xeral de Defensa do Monte, dependente da Consellería do Medio Rural, e permitirá aos profesionais canarios coñecer polo miúdo instalacións, protocolos e medios do SPIF galego.
A súa primeira xornada de traballo, onte luns, estivo centrada na reconstrución de incendios forestais históricos e no coñecemento do dispositivo da Xunta e do Sistema estrutural de mando operativo (Semop). Ademais, os representantes da EIRIF canaria visitaron o Centro de Coordinación Central de loita contra o lume, situado en San Lázaro e realizaron prácticas conxuntas cos seus colegas galegos no manexo das unidades chamadas "batracio". Estes equipos, ideados e desenvolvidos de xeito pioneiro polo persoal do SPIF, están formados por tractor, cisterna, trituradora multifunción e polidozer -lámina multifunción- e teñen unha gran versatilidade no combate e defensa fronte os incendios.
Prácticas conxuntas
O programa de hoxe martes e do resto da semana inclúe actividades como as prácticas conxuntas sobre manexo de auga con vehículos motobomba ou a visita a unha base aérea da Xunta, para coñecer de primeira man o funcionamento e operatividade dos helicópteros de extinción e coordinación do dispositivo galego.
A maiores, o equipo canario participará, de xeito conxunto con persoal técnico, axentes e bombeiros forestais da Consellería do Medio Rural, en manobras de emprego de lume técnico, utilizado en queimas prescritas.
Este tipo de encontros, a nivel técnico e operativo, constitúense como experiencias altamente enriquecedoras para as entidades participantes, favorecendo o intercambio de coñecemento e experiencias entre o persoal de ambos dispositivos e a posta en común de solucións ante problemáticas similares.
