Alfonso Villares destaca o mexillón como xoia gastronómica e símbolo da calidade e sabor do marisco galego
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Ribadeo (Lugo), 29 de marzo de 2024
O conselleiro do Mar en funcións, Alfonso Villares, puxo en valor o mexillón como xoia gastronómica e como símbolo da calidade e sabor do marisco galego. Así o manifestou na celebración da I Degustación de Mexillón organizada pola asociación de veciños O Cantal de Rinlo, no concello lucense de Ribadeo, na que se resaltaron as calidades culinarias deste bivalvo así como as súas propiedades nutricionais, textura e frescura así como a súa condición de produto de proximidade e sostible. O responsable autonómico sinalou a saúde e benestar que hai detrás do consumo do peixe e marisco galegos e a importancia destes eventos á hora de amosar aos consumidores todas as posibilidades de elaboración que ofrece este produto, desde a cociña máis tradicional ata a máis innovadora
O titular de Mar agradeceu aos promotores esta iniciativa, que conta co apoio da Xunta de Galicia, nun enclave único pola súa beleza e tradición mariñeira como amosa o contar coa segunda confraría máis antiga de España. Nesta liña apuntou a importancia deste tipo de eventos gastronómicos como fórmulas máis axeitadas e eficaces para promover o consumo dos produtos pesqueiros da nosa comunidade así como difundir o seu sabor e calidade entre a cidadanía. Unha celebración que ademais de enxalzar parte da nosa cultura culinaria e a labor das nosas xentes do mar tamén serve como novo reclamo para os visitantes que recalan na Mariña nestas datas de asueto con motivo da Semana Santa, complementando e enriquecendo a oferta cultural, patrimonial e natural desta zona da costa galega.
